Мәскәүдә «Твой Ход» Бөтенроссия студентлар проектының бишенче сезоны финалы тәмамланды
13-16 декабрьдә Мәскәүдә «Твой Ход» Бөтенроссия студентлар проектының бишенче сезоны финалы узды. Чара «Яшьләр һәм балалар» милли проекты кысаларында узды. Оештыручылар – Россия Федерациясе Фән һәм югары белем министрлыгы, Яшьләр эшләре буенча Федераль агентлык, «Россия яшьләр берлеге» гомумроссия иҗтимагый оешмасы һәм «Россия – мөмкинлекләр иле» коммерцияле булмаган автоном оешмасы.
«Твой Ход» проектының финалы Россия студент яшьләре өчен елның төп йомгаклау вакыйгасы булды. Ул студентларны иҗади иҗтимагый көн тәртибенә җәлеп итүгә, яшьләрнең инициативаларына ярдәм итүгә һәм яшьләрнең Россия Федерациясе үсеше өчен потенциалын ачуга юнәлдерелгән иде. Проектта катнашу традицион рухи-әхлакый кыйммәтләрне ныгытуга һәм социаль әһәмиятле идеяләрне тормышка ашыруга мотивация формалаштыруга ярдәм итте.
Финал чараларында күп этаплы конкурслы сайлап алуны уңышлы узган илнең иң яхшы студентлары катнашты. Татарстан Республикасыннан югары дәрәҗәдәге һөнәри әзерлек, креатив фикерләү һәм лидерлык компетенцияләрен күрсәткән 30 финалист катнашты. Финал нәтиҗәләре буенча Татарстан Республикасының ике вәкиле җиңүче булды һәм үз проектларын гамәлгә ашыру өчен 2 миллион сум күләмендә грант ярдәме алды: Гаврилов Ислам һәм Горячев Андрей.
Моннан тыш, 2025 елгы Бөтенроссия студентлар форумы кысаларында проектның төрле конкурс трекларында катнашкан Татарстан Республикасы вәкилләре кыйммәтле призлар белән билгеләп үтелде. «Определяю» трегында Александрова Дарья, Антипов Александр, Богданов Андрей, Вафин Айрат, Гәрәева Айгөл, Захарова Карина, Издебская Яна, Поздняков Илья, Фәйзуллина Ангелина, Фәттахетдинова Эльнара, Шиһапова Регина, Широбоков Максим җиңүчеләр булдылар.
Шулай ук «Твой Ход, староста!» проектының икенче модуленә йомгак ясалды. Аның нәтиҗәләре буенча Татарстан Республикасыннан 48 академик төркем старостасы җиңүче булды һәм 2026 елның гыйнварыннан өстәмә стипендия алачак. Төбәкнең биш вәкиле илнең иң яхшы 100 старостасы исемлегенә керде һәм 2025 елгы Бөтенроссия студентлар форумында катнашу хокукы алды: Лукьянова Василиса, Төхвәтшина Азалия, Минхатыйпова Алинә, Зәйнуллина Азалия, Габдрахманова Фәридә.
Татарстан Республикасы белем бирү оешмаларының нәтиҗәләрен аерым билгеләп үтәргә кирәк. Студентларның югары уку йортында тәрбия эшенә мөнәсәбәте индексы («Твой Ход» рейтингы) йомгаклары буенча Россия Федерациясенең ТОП-50 белем бирү оешмасы исемлегенә В.Г. Тимирясов исемендәге Казан инновацион университеты (ИЭУП) һәм Яр Чаллы дәүләт педагогика университеты керде. Югары уку йортларын рейтинг лидерлары рәтенә кертү тәрбия һәм укудан тыш эшне оештыруның югары дәрәҗәсен, шулай ук студентларның инициативаларына һәм яшьләрнең иҗтимагый тормышта актив катнашуына системалы ярдәм күрсәтүне раслый.
Татарстан Республикасында проектның кураторы булып «Татарстан – Мөмкинлекләр территориясе» коммерцияле булмаган автоном оешмасы тора. Финал кысаларында катнашучылар үз проектларын тәкъдим итеп кенә калмадылар, тәҗрибә уртаклаштылар, һөнәри багланышларны киңәйттеләр, белем бирү һәм гамәли юнәлешле чараларда катнаштылар. «Твой Ход» проекты Россия киләчәгенә өлеш кертүгә юнәлдерелгән талантлы, инициативалы һәм социаль актив яшьләргә ярдәм итү буенча төп федераль платформаларның берсе статусын тагын бер кат раслады.
