Татарстанда волонтерлык үсешенә керткән өлеш өчен «Игелекле Татарстан» Республика Рәисе премиясен гамәлгә куйдылар
20 гыйнварда Татарстан Республикасы Рәисенең «Игелекле Татарстан» волонтерлыкны үстерүгә керткән өлеш өчен Республика Рәисе премиясен гамәлгә кую турындагы Указы чыкты. Премия ихтыярыйларны ачыклау, аларга ярдәм итү һәм бүләкләү максатларында үткәреләчәк. Ул Татарстан Республикасы ихтыярыйларын (волонтерларын) ачыклау, аларга ярдәм итү һәм бүләкләү максатларында үткәреләчәк һәм ихтыярыйлык (волонтерлык) эшчәнлеген гамәлгә ашыруда күренекле нәтиҗәләр өчен биреләчәк.
Агымдагы елдан башлап ике премия (һәрберсе 300 мең сум) – Россия Федерациясе гражданнарына, чит ил гражданнарына, гражданлыгы булмаган затларга (Россия Федерациясе гражданнары төркемнәренә, чит ил гражданнарына, гражданлыгы булмаган затларга) һәм ике премия (һәрберсе 500 мең сум) – оешмаларга биреләчәк.
Татарстан Республикасы Яшьләр эшләре министры Азат Кадыйров: «Премияне гамәлгә кую турындагы карар Республика рәисе Рөстәм Миңнехановның Дәүләт Советына юлламасында яңгырады. Премия, төбәктә волонтерлыкка системалы ярдәм күрсәтү традицияләрен дәвам итеп, Татарстан Республикасы ихтыярыйлары һәм оешмалары казанышларын тануның иң югары формасы булачак. Бу, тулаем алганда, федераль дәрәҗәдә билгеләнгән нәтиҗәлелекнең төп күрсәткечләренә ирешүгә уңай йогынты ясаячак, моңа ирекле эшчәнлеккә җәлеп ителгән кешеләрнең өлеше һәм волонтерлык проектларында катнашучы яшьләрнең өлеше дә керә. Бу «Яшьләр һәм балалар» милли проекты максатларына туры килә».
Татарстан Республикасы ихтыярыйлык мәгълүмати-ресурс үзәге башкарма директоры Айрат Мөбәрәкшин билгеләп үткәнчә: «Бүген волонтерлык — ярдәм итү теләге генә түгел. Бу мәгариф, экология, сәламәтлек саклау, мәдәният, гадәттән тыш хәлләрдә ярдәм итү һәм башка өлкәләрдә конкрет бурычларны хәл итә торган куәтле социаль көч. Һәм бу көч максималь нәтиҗәле эшләсен өчен, без эшкә карашыбызны яңартырга омтылабыз, шул исәптән волонтерларның көндәлек хезмәтен бүләкләү өлешендә дә. Һәм әлеге Указның барлыкка килүе — безнең уртак зур җиңүебез, һәм без Татарстан Республикасы Хөкүмәтенә һәм Республика Рәисе Рөстәм Миңнехановка ихтыярыйларга, аларның инициативаларына һәрвакыт ярдәм итәргә, төбәктә ихтыярыйлыкны үстерү дәрәҗәсен камилләштерүдә актив катнашырга әзер булулары өчен ихлас күңелдән рәхмәт белдерәбез».
