ТР Яшьләр эшләре министрлыгы коллегиясе 26 гыйнварда Идел буе университетында узачак
26 гыйнварда 10:00 сәгатьтә Идел буе физик культура, спорт һәм туризм университетында Татарстан Республикасы Яшьләр эшләре министрлыгы коллегиясе узачак. Ведомствоның 2025 елдагы төп эшчәнлеге нәтиҗәләре һәм 2026 елга бурычлары турында Татарстан Республикасы Яшьләр эшләре министры Азат Кадыйров сөйләячәк.
Төп докладтан тыш, чарада тагын 6 спикер чыгыш ясаячак:
- Җәмәгать эшлеклесе, Паралимпия чемпионы, хәйрия фондын гамәлгә куючы Алексей Талай
«Россия һәм Беларусь Союздаш дәүләте кысаларында граждан җәмгыятен үстерү һәм иҗтимагый һәм хәйрия структураларының дәүләт хакимияте белән үзара хезмәттәшлеге» чыгышы;
- Татарстан Республикасы Актаныш муниципаль районы башлыгы Ленар Зарипов
«Актаныш районында яшьләр сәясәтен гамәлгә ашыру турында: яшьләр арасында деструктив тәртипне профилактикалау чаралары» чыгышы;
- «Студентлар лигасы» төбәк яшьләр иҗтимагый оешмасы президенты Шамил Якупов
«Татарстан Республикасында студентларга ярдәм итүгә юнәлдерелгән нәтиҗәле проектларны һәм программаларны үстерү һәм гамәлгә ашыру» чыгышы;
- Татарстан Республикасы Фәннәр академиясе президенты Рифкать Миңнеханов
«Яшьләр һәм фән: Татарстан Республикасының фәнни-технологик үсеше призмасы аша чакырулар һәм мөмкинлекләр» чыгышы
- Яшьләр эшләре буенча Федераль агентлык җитәкчесе урынбасары Егор Литвиненко
Коллегиянең мәртәбәле кунагы Татарстан Республикасы Дәүләт Советы Рәисе Фәрит Мөхәммәтшин булачак.