Россия Студентлар отрядлары көнен бәйрәм итү кысаларында Татарстанда «Кама Артегы» үзәгендә «СО.Здание» Студентлар отрядларының мультиформат киңлеген ачу тантанасы булды.

«Росмолодёжь. Гранты» конкурсы башланды. 35 яшькә кадәрге яшьләр үз проектлары турында сөйли һәм аны гамәлгә ашыру өчен 1,5 млн сумга кадәр акча алачак.

Байлар Сабасында ике яңа объект ачылды: «Оста» Балалар иҗаты үзәге һәм «Кәеф» Яшьләр үзәге. Яңа яшьләр үзәкләре «Саба-арена» спорт комплексы янында урнашкан.

"Созвездие-Йолдызлык" Арт - резиденциясендә берьюлы берничә конкурс һәм яшьләр фәненә ярдәм итү программалары җиңүчеләрен бүләкләү тантанасы узды. Чара бөтен республиканың иң яхшы студентларын, аспирантларын һәм яшь галимнәрен берләштерде, Татарстанның илнең алдынгы фәнни-мәгариф төбәкләренең берсе буларак югары статусын раслады.