«Семейный код: беседа о главном» документаль фильмының премьерасы Казанда булачак

Татарстан Республикасы Яшьләр эшләре министрлыгы «Татарстан — мөмкинлекләр территориясе» автоном коммерцияле булмаган оешмасы белән берлектә «Семейный код: беседа о главном»  документаль фильмын тәкъдим итә. К

артина ачыктан-ачык сөйләшүләргә һәм реаль тарихларга корылган. Фильмда куелышлар һәм идеаллаштырылган образлар юк — бары тик тере эмоцияләр, шәхси тәҗрибә һәм геройларның мәхәббәт, җаваплылык, ярдәм һәм үзара хөрмәт турында эчкерсез уйланулары гына. Проект авторлары гаилә кыйммәтләре — абстракт төшенчәләр түгел, ә кешеләр бер-берсе өчен ясаган көндәлек сайлау икәнен күрсәтә.

Фильм геройлары биш төрле гаилә булды, аларның һәркайсы үзенең уникаль тәҗрибәсе һәм гаилә бәхетен аңлавы белән уртаклаша. Алар арасында-күренекле табиблар һәм эшмәкәрләр Әлфия һәм Ильяс Нуриевлар гаиләсе, Галия һәм Равил хәзрәт Зөфәровлар гаиләсе, Ксения һәм Ярослав ата Петрущенковлар гаиләсе, Камилла һәм Илнар Хафизовларның күп балалы гаиләсе, шулай ук Алсу һәм Денис Капустиннарның яшь гаиләсе. Аларның тарихларын бер нәрсә берләштерә — гаилә кыйммәтләрен саклап калу һәм киләсе буынга тапшыру омтылышы.

Фильм түбәндәге мөһим һәм актуаль сорауларны күтәрә: мөнәсәбәтләрдә ышанычны һәм хөрмәтне ничек сакларга, тиз үзгәрешләр дөньясында балаларны ничек тәрбияләргә һәм ни өчен гаилә кеше өчен төп ярдәм чыганагы булып кала.