Биш татарстанлы «КАРДО» җиңүчеләре һәм призерлары булды
Татарстанның биш вәкиле Владивостокта тәмамланган «КАРДО» урам мәдәнияте һәм спорты халыкара конкурс-премиясенең IX сезоны Гранд-финалы җиңүчеләре һәм призерлары исемлегенә керде. Ярышлар дөньяның 70 иленнән 500дән артык катнашучыны берләштерде.
Призерлар исәбенә берьюлы берничә урам культурасы һәм спорт юнәлеше вәкилләре керде. Виталий Константинов роллерблейдингта «Һәвәскәр» категориясендә икенче, Анатолий Кириенко BMX да Аdvanced категориясендә икенче, Динә Галиева кызлар арасында воркаутта икенче урынны алды. Артем Пискунов фриранда «Алга киткән дәрәҗә» категориясендә өченче урын алды. Татарстанның тагын бер вәкиле Иван Корюкин «Иң яхшы режиссер эше» номинациясендә видеоконкурста җиңүче булды.
Татарстан Республикасы Яшьләр эшләре министры Азат Кадыйров: «Татарстанда балаларның урам спорт төрләре белән шөгыльләнерлек урыннары бар. Казанда Европадагы иң эре «УРАМ» экстрим-паркы эшли, ә республика муниципалитетларында үз экстрим-парклары һәм мәйданчыклары барлыкка килә. Без яшьләрнең күнегүләр һәм ярышлар өчен шартлары булсын өчен бу инфраструктураны эзлекле рәвештә үстерәбез. Безнең яшьләрнең «КАРДО»дагы нәтиҗәләре шуны күрсәтә: бу алым эшли һәм Татарстан спортчылары республиканы халыкара дәрәҗәдә уңышлы тәкъдим итә ала».
Гранд-финалда катнашучылар 13 дисциплинада көч сынаштылар. Программага BMX, роллерблейдинг, самокат, скейтбординг, трикинг, воркаут, фриран, паркур, диджеинг, граффити, рэп, хип-хоп һәм брейкинг кергән. Ярышлардан тыш, финалга чыгучылар үз проектларын тәкъдим иттеләр һәм мәгариф һәм мәдәни программада катнаштылар.
Әлеге сезонда «КАРДО» конкурс программасына 85 меңнән артык кеше теркәлгән. Тугыз сезон эчендә проект 195 илдән 300 меңгә якын урам мәдәнияте вәкилләрен берләштерде. IX сезон җиңүчеләре акчалата премияләр, партнерлардан бүләкләр һәм һөнәри үсеш, укыту һәм остазлык өчен мөмкинлекләр алды. Гомуми приз фонды 7 млн сумнан артык тәшкил иткән.
Гранд-финал Владивостокта Рус утравында проектның федераль партнерлары ярдәмендә узды. «КАРДО»ның IX сезоны «Яшьләр һәм балалар» милли проекты кысаларында Россия Президенты кушуы һәм ярдәме белән уздырыла.