"Татарстан Республикасының "Черноморец" үзәге" дәүләт оешмасы
«Черноморец» республика үзәге дәүләт бюджет учреждениесе 1994 нче елдан башлап Татарстан Республикасы балаларының һәм яшьләренең җәйге ялларын оештыру, аларны сәламәтләндерү эше белән шөгыльләнә. 1998 нче елдан башлап Анапа шәһәренең “Приазовец” исемле балаларны сәламәтләндерү лагеры Татарстан Республикасының шәхси милкенә әйләнде. Һәр ел саен Кара диңгез буендагы базаларда 6 меңнән артык бала һәм яшьләр ял итәләр һәм үзләренең сәламәтлекләрен ныгыталар.
Юнәлешләре буенча төрле, эчтәлекләре буенча мавыктыргыч булган заман таләбендәге профильле программалар инде менә безгә берничә буынны тәрбияләргә ярдәм итә. Биредә балаларның үзләрен күрсәтергә, үзләренең сәләтләрен һәм сайланган профильләре буенча осталыкларын үстерергә мөмкинлекләре бар; яшәргә һәм коллективта хезмәттәшлеккә өйрәнәләр.
Безнең төп бурычыбыз – ял итү һәм сәламәтлекне ныгыту өчен мөмкин кадәр уңай шартлар тудыру:
- квалификацияле тәрбиячеләр, табиблар һәм МВД хезмәткәрләреннән оештырылган төркемнең балаларны Кара диңгез буена махсус балалар тимер юл составлары һәм авиа юл белән озата барулары;
- вагон-ресторанда кайнар аш белән тукландыру;
- уңайлы автобусларда вокзалдан, аэропорттан базага һәм базадан кире вокзал, аэропортка илтеп кую;
- балаларны сәламәтләндерү лагерьларын тәҗрибәле тәрбиячеләр, йөзү буенча инструкторлар һәм табиблар, музыкаль җитәкчеләр һәм массакүләм культура чараларын оештыручылар белән тулыландыру.
