Казанда «Республика» төбәк лига сезонының финалы узды. Иң яхшы команда исемен яулау өчен 4 команда көрәште.
Катнашучыларны Татарстан Республикасы Яшьләр эшләре министры Дамир Фаттахов сәләмләде: «Республика» төбәк лига уеннары Татарстанның барлык шәһәр һәм районнарыннан диярлек йөзләгән команданы җыя, юмор хисенә ия сәләтле яшьләрне берләштерә. Аның популярлыгы елдан-ел арта баруы сөендерә».
Командалар 3 бәйгедә көч сынашты: сәламләү, триатлон һәм музыкаль номер.
Уен нәтиҗәләре буенча «Чикаго» КВН командасы «Республика» төбәк лига уены чемпионы дип танылды.