2019 елның 25 гыйнварында Идел буе федераль округында беренче тапкыр «Идел буе федераль округында медицина десанты» акциясе старт ала. Анда 7 төбәктән студентлар һәм ординаторлар катнашачак.
10 көн дәвамында алар Зәй районының авыл җирлекләрендә халыкка медицина ярдәме күрсәтәчәк.
Акцияне оештыручылар - Республика студентлар хезмәт отрядлары үзәге, «Россия Студентлар отрядлары» бөтенроссия яшьләр иҗтимагый оешмасының Татарстан төбәк бүлеге, Идел буе федераль округының студентлар отрядлары штабы, Казан дәүләт медицина университеты.