Татарстанның Тукай һәм Зәй районнарында «Созвездие-Йолдызлык» фестивале концертлары узды

2019 елның 27 августы, сишәмбе

Татарстанның Тукай районы Князево авыл мәдәният йортында «Созвездие-Йолдызлык» фестивале лауреатлары һәм финалистлары чыгыш ясады.

«Талантлар гаиләсе» дип исемләнгән концертта Россия театр сәнгате университеты, ГИТИС, Казан дәүләт консерваториясе, Казан мәдәният институты, Казан музыка көллияте студентлары һәм аны тәмамлаучылар катнашты. Үз вакытында алар да «Созвездие-Йолдызлык» фестивалендә үз көчләрен сынап карау өчен районнан Татарстан башкаласына килгәннәр.

Кичә «Созвездие-Йолдызлык» фестивале концерты республиканың Зәй районында да узды. Чыгышлар ике мәйданчыкта – Зәй районы мәдәният йортында һәм шәһәр паркында узды.