Татарстанда "Әйдаманнар уты" кабыначак

2020 елның 11 феврале, сишәмбе

Яшь татарстанлыларны «Әйдаманнар уты» әйдаманнар мәктәбендә укырга чакыралар. Курслар тәмамлангач, балалар Казан һәм Татарстанның балалар сәламәтләндерү лагерьларында эшли алачак.

Курслар берничә юнәлеш буенча үткәрелә. Әйтик, әйдаманнар гына түгел, ә педагог-оештыручылар, фотографлар, диджейлар, әйдаманнар ярдәмчеләре өчен дә укырга була.

Республика вожатыйларны һөнәри әзерләү мәктәбен «Җәй» республика үзәге һәм «Ял» шәһәр үзәге ТР Яшьләр эшләре министрлыгы ярдәме белән үткәрә.

Мәктәптә катнашу бушлай. Көндезге-читтән торып уку формасы 180 академик сәгать тәшкил итәчәк.