Яшьләр көнендә ТР Яшьләр министрлыгы Татарстанның коммерцияле булмаган оешмалары өчен гомуми саны 4,2 млн сумлык грант конкурсын башлап җибәрә
Бүген Татарстанда яшьләр сәясәте өлкәсендә социаль әһәмиятле проектларны гамәлгә ашыруга коммерцияле булмаган оешмаларга грантлар бирү буенча гаризалар кабул итү кампаниясе старт ала. Ярдәмнең максималь суммасы-500 мең сум.
«Республика яшьләре үз потенциалларын гамәлгә ашыра алсыннар өчен төрле мөмкинлекләр тудырыла. Шушы көннәрдә без Татарстан районнары һәм шәһәрләренең яшьләр сәясәте учреждениеләре арасында уздырылган грантлар конкурсына йомгак ясадык. Ә бу конкурс республикада яшьләр бергәлекләрен һәм оешмаларын үстерүгә юнәлдерелгән», - дип билгеләп үтә ТР Яшьләр эшләре министры урынбасары Алла Кондратьева.
Конкурс ике номинация буенча үткәрелә: «Татарстан Республикасы халкы арасында наркоманияне профилактикалау» һәм «Патриотик тәрбия».
Гаризалар 26 июльгә кадәр кабул ителәчәк, нәтиҗәләр агымдагы елның 10 сентябрендә игълан ителәчәк. Проектларны тормышка ашыру 12 сентябрьдән башланырга тиеш, ә алар буенча хисап 28 декабрьгә кадәр тапшырылырга тиеш.
Гаризалар элктрон форматта Elvira.Murtazinaa@tatar.ru электрон почтасына Word (PDF) форматында, ә кәгазь вариантында Казан ш., Сафьян ур., 5, каб.103 адресы буенча кабул ителә.Эш вакыты - дүшәмбе-җомга көннәрендә 09:00 дән 18:00 гә кадәр, төшке аш 12:00 дән 13:00 гә кадәр.
Приз фондының гомуми суммасы 4,2 млн. сум.