2022 елның беренче яртыеллыгына Татарстанда ышаныч телефонына 20,5 меңгә якын шалтырату килгән
2010 елдан башлап Татарстанда 8-800-2000-122 номеры буенча бердәм балалар ышаныч телефоны эшли. Бу вакыт эчендә аңа 360 меңнән артык шалтырату килгән, 2022 елның беренче яртыеллыгында – 20,5 меңгә якын, 2021 елда бу чорда 17 234 шалтырату теркәлгән.
Балалар-ата-аналар мөнәсәбәтләре, баланың яшьтәшләре белән мөнәсәбәтләре мәсьәләләре буенча мөрәҗәгатьләр тематикасы өстенлек итә. Моннан тыш, бала белән рәхимсез мөгамәлә, укуда кыенлыклар, суицид, баланың системалы ярасы, интернет-янаулар һ. б. мәсьәләләр буенча мөрәҗәгать ителгән.
«Татарстанда балалар өчен ышаныч телефоны беренче ел гына эшләми инде. Ул бик мөһим, шалтыратулар саны елдан-ел арта бара. Бу номер буенча балалар гына түгел, ә әти-әниләр, әби-бабайлар да мөрәҗәгать итә. Балалар ышаныч телефоны тәүлек буе эшли. Тәүлекнең теләсә кайсы вакытында Татарстан Республикасының теләсә кайсы почмагыннан кәрәзле, шулай ук стационар телефон аша шалтыратырга мөмкин. Барлык шалтыратулар да бушлай. Балалар өчен ышаныч телефонына килгән шалтыратулар аноним булып тора, хезмәтләрнең номерларны билгеләүче системасы юк», – дип билгеләп үтте Татарстан Яшьләр эшләре министры Тимур Сөләйманов.
Татарстан Республикасында 8-800-2000-122 бердәм гомумроссия телефон линиясенә тоташтырылган 5 оешма эшли, аларның дүртесе ТР Яшьләр эшләре министрлыгы структурасында (Казан шәһәре, «Ышаныч «балаларга һәм яшьләргә психологик-педагогик ярдәм күрсәтү үзәге» муниципаль бюджет учреждениесе; Түбән Кама шәһәре, «Эйдос» балаларга һәм яшьләргә психологик-педагогик ярдәм үзәге» муниципаль бюджет учреждениесе; Яр Чаллы шәһәре, «Яшьләр ышаныч телефоны» телефоны буенча ашыгыч психологик ярдәм үзәге» муниципаль бюджет учреждениесе; Татарстан Республикасы Мәгариф һәм фән министрлыгы структурасы (Алабуга шәһәре, «Шанс» психологик-педагогик, медицина һәм социаль ярдәм үзәге).
Линияләрнең эш режимы бар: тәүлек әйләнәсе эшли торган - 3 (Казан, Яр Чаллы һәм Түбән Кама) һәм сигез сәгатьлек ике линия (Әлмәт һәм Алабуга).