Казанда Яшь дипломатларның V Глобаль форумы башланды
Казанда Яшь Дипломатларның V Глобаль форумы башланды, анда дөньяның 42 иленнән тышкы сәясәт ведомстволары хезмәткәрләре җыелды. Беренче панель сессиясендә Татарстан Республикасы Президенты Рөстәм Миңнеханов катнашты.
«Халыкара мөнәсәбәтләрнең киләчәге өчен җаваплылык күп очракта дипломатлар җилкәсенә ята.. Уңышлы эш нәтиҗәләре сезнең гомуми әзерлеккә, билгеләнгән элемтәләргә, үзара файдалы шартлар эзләүгә юнәлүгә бәйле. Бу контекстта, шул исәптән сезнең сезнең һөнәри үсешегез өчен дә, «Горизонталь дипломатия» концепциясенә таянучы әңгәмә мәйданчыкларыгызның әһәмиятен билгеләми калу мөмкин түгел», - дип мөрәҗәгать итте форумда катнашучыларга Рөстәм Миңнеханов.
Форумда катнашучыларга сәламләү сүзе белән РФ Тышкы эшләр министры Сергей Лавров мөрәҗәгать итте.
«Бүген әңгәмәне туктатырга түгел, ә үстерергә кирәк. Күп тапкыр бөтен Халыкара дөнья мәсьәләләрен халыкара хокукның гомумтанылган нормалары нигезендә тырышлыкны берләштергәндә генә хәл итеп була дип әйтелде. Бу яктан, дипломатиянең роле арта. Гегемония һәм агрессия аны этәрергә омтылган җирдә нәтиҗәләр аяныч булып чыга», - диде Лавров.
«Халыкара аренада ышаныч һәм үзара аңлашу атмосферасын саклау эшенә сезнең очрашуыгыз да үз өлешен кертә. Яшь дипломатларның, хакимият вәкилләренең һәм экспертларның формаль булмаган аралашу мәйданчыклары челтәрен үстерүгә юнәлтелгән горизонталь дипломатия концепциясенә таянган хәлдә алар традициягә әйләнде,», — дип ассызыклады Россия Тышкы эшләр министрлыгы башлыгы.
Татарстан Россия һәм мөселман дөньясы илләре хезмәттәшлеген үстерү өчен элемтә нотактасы булып тора. Россия Федерациясе Тышкы эшләр министрының мөселман дәүләтләре оешмалары белән хезмәттәшлек буенча махсус вәкиле, Россия Тышкы эшләр министрлыгының махсус йөкләмәләр буенча илчесе Константин Шувалов әнә шундый фикер белән уртаклашты.
«Татарстан Россия һәм аның регионнары белән ислам дөньясы арасындагы хезмәттәшлекнең күпсанлы катнашучыларына берләшергә һәм хезмәттәшлек итәргә мөмкинлек бирә. Казан-хезмәттәшлекнең яңа формалары тудыра торган очрашулар өчен менә дигән урын», - дип белдерде ул.
Шувалов ассызыклаганча, Татарстанның Россия һәм мөселман дөньясы элемтәләрен ныгытуга керткән өлеше лаеклы бәяләнгән - РФ Тышкы эшләр министры Сергей Лавров Татарстан Президенты Рөстәм Миңнехановка Халыкара хезмәттәшлек үсешенә керткән өлеше өчен күкрәк билгесен тапшырды.
Казанга форумга 42 илдән 100дән артык делегат килде. Алар иң актуаль заманча мәсьәләләр, аерым алганда цифрлаштыру һәм кибер куркынычсызлык турында сөйләшәчәкләр.
Форумның нәтиҗәсе яшь дипломатларны берләштерүгә юнәлдерелгән резолюция булачак, дип хәбәр итте РФ Тышкы эшләр министрлыгының Яшь дипломатлар советы рәисе Константин Колпаков.
«Мондый вәкиллекле тамашачы туплый алуыбызга бик шатбыз. Бу өч көн бай, нәтиҗәле булачак һәм безгә конкрет нәтиҗә бирәчәк. Йомгаклар буенча без хезмәттәшләребез арасында каралачак резолюцияне кабул итәргә уйлыйбыз. Аның төп юлламасы - булган бәхәсләрне тыныч хәл итү чарасы буларак дипломатиянең ролен ассызыклауда», - дип белдерде ул.