«Созвездие-Йолдызлык» Арт-резиденциясенең труппасы Татарстан буенча зур тур уздыра
«Созвездие-Йолдызлык» арт-резиденциясе республика буенча зур гастроль туры бирәчәк. Яңа театр сезонында театр Татарстанның төрле шәһәрләрендә һәм авылларында киң тамашачыларны үз иҗаты һәм тупланган репертуары белән таныштыру өчен чыгыш ясарга планлаштыра.
«Безнең Татарстанның барлык районнары белән дә килешүләр бар. Безнең спектакльләрне көтәләр, ә безнең артистлар район мәдәният йортларында көтеп алган кунаклар. Тиздән театрның визит карточкасын - «Ерактагы йолдыз нуры»н тәкъдим итү өчен Мәскәүгә дә барып җитәрбез, дип өметләнәбез, - дип сөйләде театр директоры Дмитрий Туманов.
Труппа үзенең гастроль турын Яшел Үзәндә «Аршин мал алан» музыкаль комедиясе белән ачты.
Инде 6 октябрьдә Арча халкы өчен күпкырлы резиденция артистлары укытучылар көненә багышланган эстрада программасы әзерләячәкләр, ә 14 октябрьдә Нурлатта татар әдәбияты классигы, Тукай исемендәге Дәүләт премиясе лауреаты Хәсән Туфанның тормыш һәм иҗат мотивлары буенча «Ерактагы йолдыз нуры» спектаклен бирәчәкләр.
25 ноябрьдә труппа Йошкар-Олада узган «Дуслык күпере» халыкара фестивалендә катнашачак. Биредә Татарстанлылар испан драматургы Лопе де Вегның пьесасы буенча куелган «Уйлап табучы гашыйк» спектаклендә дәрт, интрига, көнчелек, көндәшлек, хәйләкәр алдаулар һәм кызу мәхәббәт танылулары сурәтен җәелдерәчәк.