Татарстан Республикасы Министрлар Кабинетында «Гаилә коды» фоторәсемнәр күргәзмәсе узды
Татарстан Республикасы Министрлар Кабинетында традицион гаилә кыйммәтләре турындагы «Гаилә коды» фотографияләр күргәзмәсе – физик затлар арасында Татарстан Республикасы Яшьләр эшләре министрлыгы грантлары конкурсында җиңүче проект узды.
Чарада Татарстан Республикасы Рәисе Рөстәм Миңнеханов һәм Татарстан Республикасы Хөкүмәте әгъзалары булды.
«Әлеге проектның максаты гаилә элемтәләрен һәм традицияләрне саклаудан, шулай ук хәзерге җәмгыятьтә балалар һәм яшьләр арасында гаилә ролен арттырудан гыйбарәт», – дип билгеләп үтте ТР Яшьләр эшләре министрының беренче урынбасары Софья Мостафина.
Күргәзмәдә төрле гаиләләрнең 16 уникаль фотографиясе тәкъдим ителгән, аларның һәрберсенең үз тарихы бар, алар белән килүчеләр QR-кодны сканерлап таныша ала. Гаилә кодының авторы-яшь фотограф Олег Самойлов. Аның эшләре безне берләштерүче мәхәббәт, кайгырту, ярдәм, хөрмәт һәм үзара аңлашу кебек уртак кыйммәтләрне күрсәтә, дип сөйләде ул.
Элегрәк ТР Яшьләр министрлыгы проект авторы белән берлектә социаль челтәрләрдә уникаль гаилә тарихларына багышланган конкурс башлап җибәргән иде, аның җиңүчеләре гаилә фотосессиясенә чакыру алды.
Чара «Демография» милли проекты кысаларында Гаилә елында уза.