Татарстанның яшь медиачыларын Бөтенроссия медиа лагеренда катнашырга чакыралар
5 августтан 8 августка кадәр Башкортстан Республикасының Ишембай районы территориясендәге «Орленок» лагеренда өч көнлек «Мидия» медиа лагере сменасы оештырылачак. Чара Россия Федерациясе Президентының Идел буе федераль округындагы Тулы вәкаләтле вәкиле аппараты, «Росмолодежь» Яшьләр эшләре буенча федераль агентлыгы һәм Башкортостан Яшьләр хөкүмәте ярдәмендә гамәлгә ашырылачак.
Лагерь илебезнең төрле почмакларыннан 150дән артык баланы берләштерәчәк. Белем бирү программасында катнашу өчен яшь медиачыларга сайлап алу өчен өч төп юнәлеш тәкъдим ителәчәк: SMM, фото һәм видео сәнгать. Яңа гына эшли башлаган журналистлар әлеге өлкә белән якыннанрак таныша, төрле лекцияләр һәм тренингларда була, Россиянең гамәлдәге медиа-менеджерлары һәм блогерлары белән аралаша алачак. Остазлар җитәкчелегендә катнашучылар үз медиапроектларын булдыра алачак, алар йомгаклау продукты булачак.
Катнашучылар ике категориягә бүленә: 18 яшьтән 35 яшькә кадәрге менторлар (команда капитаннары) һәм 18 яшьтән 21 яшькә кадәрге катнашучылар. Гаризаны агымдагы елның 23 июленә кадәр сылтама буенча бирергә мөмкин.