Биләрдә мәгълүмат технологияләренә багышланган смена тәмамланды
XIII «Сәләт» Халыкара яшьләр мәгариф форумының дүртенче сменасы тәмамланды. Җиде көн эчендә катнашучылар цифрлы дөнья белән таныштылар, IT-өлкәдә практик һәм теоретик белемнәр алдылар. Форум республиканың төрле төбәкләреннән 800гә якын баланы берләштерде.
Ябылу тантанасы «Сәләт» яшьләр үзәге директоры Айгөл Габдрахманова чыгышы белән башланып китте, ул төбәктәге тематик сменаларның мөһимлеген билгеләп үтте: «Сәләт «Халыкара яшьләр мәгариф форумнары — яшь буынны төрле юнәлешләрдә үстерү мөмкинлеге, бу шулай ук идеяләр һәм масштаблы проектларны гамәлгә ашыру урыны».
Форумның кульминацион мизгеле концерт булды, анда балалар үзләренең иҗади сәләтләрен күрсәтә алдылар.
Форум кысаларында геймификация аша форумның төп юнәлешләрен ачучы профильле остаханәләр һәм белем бирү мәйданчыклары гамәлгә ашырылды: IT һәм мәгариф, IT-трендлар, IT һәм бизнес, digital-һөнәр. Мастер – класслар арасында «креатив фикерләү», «проектлар менеджменты: методлар һәм инструментлар», «индустриаль проектлар: идеядән башлап җибәрүгә кадәр», «нейрочелтәрдә уен», «стартапта гипотезаларны ничек тикшерергә һәм үстерергә» һ.б. темалар буенча дәресләр бар иде. остазлар-югары уку йортлары укытучылары, IT өлкәсендә әйдәп баручы белгечләр.
Белем бирү программасыннан тыш, катнашучылар өчен төрле юнәлешләр буенча дискуссия мәйданчыклары булдырылды, шулай ук смена кысаларында ел саен үткәрелә торган «Экосәләт» махсус проекты — экология тематикасына багышланган тренинглар һәм мастер-класслар гамәлгә ашырылды.