Татарстан яшьләр торак конкурсының гаризалар бирү кампаниясе башланды
Татарстан Республикасы яшьләр торак конкурсының гаризалар бирү кампаниясе старт алды, ул 6 октябрьгә кадәр дәвам итәчәк. Республика территориясендә эшчәнлек алып баручы активистлар еллык 7% лы ташламалы ипотека ала алачак.
Бу хакта «Татар-Информ» да узган матбугат конференциясендә Татарстан Яшьләр эшләре буенча министр урынбасары Денис Лулаков хәбәр итте.
«Безнең социаль сораштыру мәгълүматларына караганда, Татарстан яшьләрен борчыган иң өстенлекле мәсьәләләрнең берсе – торак шартларын яхшырту. Бу юнәлештә ярдәм итүнең дүрт механизмының берсе-яшьләр арасында торак конкурсы. Ул Татарстан Республикасында иҗади һәм социаль-актив яшьләрне саклап калу ысулларының берсенә әверелде», - дип өстәде спикер.
Яшьләр арасында торак конкурсының үзенчәлеге шунда ки, катнашучыга гаилә булу, иң мөһиме активист булу һәм яшьләр сәясәтендә казанышлары булган портфолио бирү мәҗбүри түгел.
Ел саен конкурста 50 фатир уйнатыла. Шушы вакыт эчендә республиканың 23 шәһәр һәм районыннан 440 кеше яңа торакка ия булды. Катнашучыларга 6 октябрьгә кадәр анкета, паспорт күчермәсе (икенче һәм җиденче битләр), күп дигәндә 20 битле портфолио һәм тагын берничә документ кергән электрон гариза тапшырырга кирәк. Ә инде гамәлдәге җиңүчегә фатир бәясенең 10% вн беренчел взнос сыйфатында кертергә кирәк булачак. «Татарстан Республикасы Студентлар лигасы» президенты Шамил Якупов билгеләп үткәнчә:
«Бу конкурс-бик яхшы ярдәм чарасы. Күп кенә активистлар, студентлар үзидарәсе лидерлары, яшьләр оешмалары җитәкчеләре, иҗат, спорт һәм фән активистлары, волонтерлар һәрвакыт аңа гариза бирергә омтыла».
Программа турындагы мәгълүмат «ВКонтакте» рәсми бергәлегендә бастырыла.