Россия Герое Татарстан яшьләре белән очрашты
Бүген Татарстан яшьләре Россия Герое полковник Рөстәм Сәйфуллин белән очрашты.
«Герой булып тумыйлар, геройга әвереләләр. Батырлык һәрвакытта да Бөек гамәлләрдә түгел. Бу көн саен яхшылык, кыюлык һәм намуслылык файдасына сайлау мөмкинлеге. Югары максатларга омтылыгыз, авырлыклардан курыкмагыз һәм һәрвакыт үз принципларыгызга тугры калыгыз», – дип ассызыклады Рөстәм Сәйфуллин.
Чарада шулай ук Татарстан Республикасы Рәисенең эчке сәясәт мәсьәләләре департаменты җитәкчесе урынбасары Марат Хисамиев, Татарстан Республикасы Яшьләр эшләре министры урынбасары Айгөл Сабирова, «Форпост» үзәге җитәкчесе Тимур Камалетдинов, «Патриот» үзәге җитәкчесе Дмитрий Литвинов һәм башкалар катнашты. Очрашу Республика көненә багышланган иде һәм «УРАМ» экстрим-паркында ачык әңгәмә форматында узды.
«Патриотлык-ул сүз генә түгел, ул безне милләт буларак берләштерә торган хис. Яшьләрдә үз илебезгә мәхәббәт, аның тарихына һәм мәдәниятенә хөрмәт тәрбияләү мөһим. Без балалар һәм яшүсмерләр үзләренең казанышлары белән горурлана һәм Татарстан, Бөтен Россия киләчәгенә өлеш кертә алсын өчен җәмгыять тормышында актив катнашу өчен шартлар тудырырга тиеш», – диде Айгөл Сабирова.
Әңгәмәнең төп темасы үсеп килүче буын арасында патриотизмны үстерү һәм популярлаштыру булды. Балалар спикерга кызыксындырган сорауларны бирә алдылар. Хәрби хезмәт, батырлыклар кылу һәм иҗтимагый әһәмиятле проектлар турында фикер алыштык.
Чара ТР Яшьләр эшләре министрлыгы һәм республика рәисе администрациясе ярдәмендә оештырылды.