Татарстан Яшьләр парламентының яңа чакырылышына кандидатлар өчен тавыш бирүнең соңгы көне
Бүген Татарстан Яшьләр парламентының яңа чакырылышына кандидатлар өчен тавыш бирү көне. Республикада теркәлгән 14 яшьтән 35 яшькә кадәрге теләсә кайсы яшь кеше үз тавышын https://open.tatarstan.ru/polls сайтында калдыра ала - моның өчен дәүләт хезмәтләре аша авторизацияләнергә кирәк.
«Республикабыз Яшьләр парламентының яңа составын формалаштыруда бик мөһим этап тәмамлана. Бирегә килүче егет - кызларга җәмәгатьчелек ярдәме күрсәтелергә тиеш, һәм алар үз районнары, оешмалары яки башка берләшмәләре яшьләреннән сораулар алып бара ала», - дип билгеләп үтте ТР Молпарламенты рәисе Нина Шимина.
Татарстанда яшәүче һәр кешегә өч категориядә — муниципалитет, иҗтимагый оешма һәм үз-үзен тәкъдим итүче өчен берәр тавыш бирергә кирәк.
Тавыш бирүдә катнашуга республиканың 45 районыннан барлыгы 430 гариза килгән. Алар берничә мәҗбүри бирем аша үттеләр. Аларга «Үз тирәмдәге дөньяны үзгәртәм» темасына видеоролик яздырырга кирәк иде. Моннан тыш, барлык кандидатлар да Татарстанның төрле районнарында «Синен чират – Твой черед» форумнары сериясендә узган дебатларда катнашырга тиеш иде. Алар Зеленодольск, Бөгелмә, Буа, Яр Чаллы, Түбән Кама, Чистай шәһәрләрендә һәм Казанның ике мәйданчыгында: «Вертолет» ЯҮ һәм УНИКС мәйданчыкларында узды.
Дебатларда кандидатлар Яшьләр парламентына бара торган программалар турында сөйләделәр һәм төбәктә тормышны яхшырту турындагы үз идеяләре белән уртаклаштылар. Мондый тәкъдимнәр арасында Студентларга стипендия арттыру, авылдагы белгечләргә ярдәм итү, баласыз яшь гаиләләргә ярдәм итү һәм башкалар бар иде.