Татарстан делегациясе Владивостокта узган халыкара әйдаман командалар фестивалендә өч номинациядә җиңүче булды
Бу көннәрдә Владивостокта «Океан» ВДЦ мәйданчыгында Россия Федерациясе Хөкүмәте Рәисе урынбасары Татьяна Голикова тарафыннан имзаланган 2024-2026 елларга вожатый статусын күтәрү буенча ведомствоара чаралар комплексына кергән IV Халыкара вожатый командалары фестивале уза.
Фестивальдә Татарстан Республикасы делегациясе – бердәнбер төбәк командасы. Башка командалар «Океан», «Смена», «Орленок» Бөтенроссия балалар үзәкләреннән, шулай ук «Лига вожатых» Росдетцентр командасыннан, халыкара составны Кытай, Монголия, Таҗикстан командалары алып тора.
«Федераль һәм халыкара дәрәҗәдә вожатый бергәлеген ныгытуга юнәлдерелгән проектлар булуы мөһим. Татарстан Республикасы Яшьләр эшләре министрлыгы төбәктәге вожатыйлар җәмгыяте белән ел дәвамында даими нигездә эш алып бара. Әйтик, Росмолодежьның «Мәгариф» милли проектының «Яшьләр өчен төбәк» проектын гамәлгә ашыру кысаларында май аенда «Мирас-Наследие» лагере базасында республиканың «Педагогик командалар һәм технологияләр инкубаторы» булды, анда 90 нан артык вожатый катнашты, ә үзләрен аеруча ачык күрсәткән вожатыйлар фестивальдә катнашу өчен җыелма команда составына сайланды. Җәйге кампания дәвамында команда чыгыш ясарга әзерләнде: спорт тренировкалары уздырылды, иҗади номерлар репетицияләнде», - дип билгеләп үтте ТР Яшьләр эшләре министр урынбасары Денис Лулаков.
Фестивальнең программасы: «Спартакиада», «Талантлар фестивале», «Кинофестиваль», «Технология методикасы идеяләре» мәгариф күргәзмәсе һәм «Уен программасы». Татарстан җитәкчеләре өч номинациядә лидер булдылар һәм 1 урынны алдылар – «Технология методикасы идеяләре» Мәгариф күргәзмәсендә, «Уен программасы»нда һәм талантлар фестивалендә, спорт ярышларында шәхси зачетта шашка буенча 2 һәм 3 урыннарны, тенниста 3 һәм «Кинофестиваль» номинациясендә 3 урыннарны алдылар.