Актанышта «Созвездие - Йолдызлык» фестиваленең зона этабы узды, ул Татарстанның дүрт районыннан: Актаныш, Әгерҗе, Минзәлә, Мөслим районнарыннан 1000нән артык катнашучыны берләштерде. 175 тән артык иҗат номеры тәкъдим ителде.

«Россия яшьләре. Грантлар» 2025 эксперт составына Татарстанның 37 вәкиле керде. Алар гариза бирергә теләүчеләргә консультация бирәчәк, шулай ук проектларны бәяләүдә катнашачак.

Бүген дәүләт дәрәҗәсендә эзләү хәрәкәтен рәсми тануның 37 еллыгы билгеләп үтелә. Татарстанда «Ватан» берләшмәсе» төбәк иҗтимагый яшьләр оешмасы тарафыннан эзләнү эшчәнлеге актив алып барыла, ул 61 эзләнү отряды һәм 4 тарихи клуб составында төрле яшьтәге 1,2 меңнән артык эзләнүчене берләштерә.

«Артек»ның «Кырым. Артек. Россия» дип аталган өченче сменасына Казан, Яр Чаллы, Түбән Кама, Яшел Үзән, Бөгелмә шәһәрләреннән 60 бала китте.