Татарстанда «Язгы игелек атнасы» акциясе дәвам итә
21 мартка кадәр Татарстан Республикасында «Язгы игелек атнасы» Бөтенроссия акциясе дәвам итә, ул игелекле эшләр марафоны булып тора. Республика халкын «Башка эш» онлайн-платформасындагы акциягә сылтама буенча кушылырга чакыралар. Татарстанда волонтерлык эшчәнлеге «Яшьләр һәм балалар» милли проекты кысаларында гамәлгә ашырыла.
ВКонтакте сервисында бишәр кешелек командаларда башкару өчен биремнәр әзерләнгән. Аларның һәрберсе өчен катнашучылар баллар алачак, аларны файдалы бонусларга алыштырырга мөмкин. Алар исәбенә онлайн-сервисларга ташламалар, кинога һәм экскурсияләргә билетлар, техника, эре компанияләрдә һәм ТВда стажировкалар керә.
2025 елда командаларның яшь буенча бүленүе яңалык булды. Һәр команда я 14 яшьтән 17 яшькә кадәрге, я 18 яшьтән өлкәнрәк катнашучылардан торырга мөмкин.
Марафонга Татарстан Республикасының ирекле (волонтерлык) хәрәкәтен популярлаштыруга һәм үстерүгә юнәлдерелгән биремнәр кертелгән. Моннан тыш, 1941-1945 еллардагы Бөек Ватан сугышында Җиңүнең 80 еллыгы уңаеннан патриотик характердагы биремнәр. Катнашучылар өчен барлыгы 10 бирем әзерләнгән: «Минем шәһәрдә игелекле эш»; «Табигать өчен игелекле эш»; «Файдалы бул»; «Видеоролик булдыр»; «Без горурланабыз»; «Патриотик дәрес»; «Фронт хаты»; «Мәдәни яз»; «Җиңүнең 80 еллыгы корпусы волонтеры» һәм «Сугыш еллары экскурсиясе».
«Ел саен без волонтерлык эшчәнлеген популярлаштырырга ярдәм итә, ә иң мөһиме игелекле эшләр башкаруның җиңел булуын күрсәтә торган шундый игелекле акцияне гамәлгә ашырабыз. Акция өлешчә уен форматында уза, бу кабул ителә торган мәгълүмат процессын җиңеләйтергә мөмкинлек бирәчәк. Яшьләр "Башка Эш" мини-кушымтасы аша биремне сайлыйлар, аны үтиләр һәм баллар алалар. Иң мөһиме, акциядә укучылар да, аларның ата-аналары да катнаша ала! Акция бик яхшы гаилә ялы булырга мөмкин. Трендта булырга һәм бөтен максатчан аудиториябезнең ихтыяҗларына игътибар итәргә тырышабыз», – дип уртаклашты Татарстан Республикасы ихтыярый эшчәнлек мәгълүмати-ресурс үзәге башкарма директоры Айрат Мөбәрәкшин.
ВКонтактедагы «Другое Дело» («Башка Эш») мини-кушымтасында балл-рейтинг системасына таянып, җиңүчеләр ачыкланачак һәм призлар белән бүләкләнәчәк.
Акцияне Татарстан Республикасы Яшьләр эшләре министрлыгы ярдәмендә Татарстан Республикасы ихтыярый эшчәнлек мәгълүмати-ресурс үзәге оештыра.