28 апрель көнне Казанда «Знание» җәмгыятенең Бөек Җиңүнең 80 еллыгына багышланган Знание.Первые марафоны узачак. Яшьләр һәм дәүләтнең беренче затлары, әйдәп баручы мәдәният, сәнгать, фән һәм спорт эшлеклеләре арасында ачык диалог Россиянең һәр федераль округында, шулай ук илнең яңа төбәкләрендә 28-30 апрельдә узачак. Марафон вакыйгалары 11 мәйданчыкта узачак. Чараның бурычлары «Яшьләр һәм балалар» милли проекты максатларына туры килә.
Марафонның өч көнендә дә вакыйганың үзәк мәйданчыгы эшләячәк, ул Мәскәүдә Поклонная тавындагы Җиңү музеенда урнашачак. 28 апрельдә марафонның беренче көнендә төп мәдәни-тарихи, мәгариф һәм бизнес-мәйданчыклар яшьләрне җәлеп итүнең төбәк нокталары булачак. Старт Ерак Көнчыгышта биреләчәк, монда төп вакыйгаларны Сахалин дәүләт университетында (Көньяк Сахалин шәһәре) яшьләрне көтәләр. Алга таба марафонны Россиянең ике яшьләр башкаласында — Омскида (өлкә конгресс-холлы) һәм Пермьдә («Пермь Экспо» конгресс-күргәзмә үзәге), шулай ук Салехардта «Полярис» Арт-резиденциясендә кабул итәчәкләр. Чаралар Казанда Бәшир Рәмиев исемендәге ИТ-паркта һәм Рязаньда өлкә филармониясе базасында дәвам итәчәк. Моннан тыш, мәйданчыкларны Донецк Халык Республикасында һәм Владикавказдагы Яшьләр сараенда оештыралар. Шулай ук федераль агарту марафоны вакыйгалары Санкт-Петербургта «Россия — минем тарихым» паркында һәм Севастопольдә «Россия» кинотеатрында узачак. Шулай итеп, беренче тәүлектә марафонга илнең төрле почмакларыннан яшьләр кушылачак, ә агарту вакыйгасына барлыгы 25 меңнән артык катнашучы җыелачак.
Татарстанда чара Татарстан Республикасы Яшьләр эшләре министрлыгы һәм ТР Хөкүмәте ярдәмендә уза.
«Хәзер үк әйтә алам, бу үзенчәлекле марафон булачак. Һәм бу моңарчы күрелмәгән масштаб белән генә түгел, ә, беренче чиратта, аның Бөек Ватан сугышында Җиңүнең 80 еллыгына багышлануы белән бәйле. Без чараны оештыруга бик җаваплы карыйбыз, чөнки марафонның һәр катнашучысы – мәйданчыкларда булачак кешеләр генә түгел, ә безнең белән монитор экраннары янында булучылар да – заманнар бәйләнешен тоюларын, Россиянең көче аның тарихында, Җиңүне якынайткан кешеләрдә һәм бүген илне алга этәрүче кешеләрдә яшеренгән дигән фикердә ныгуларын телибез. Традиция буенча страныцияләр белән илнең күренекле кешеләре чыгыш ясаячак, чит илләрдән дә кунаклар көтәбез. Шулай ук без катнашучыларны битараф калдырмый торган яңа форматлар әзерләдек. Мин ышанам, бу кешеләрне тагын да ныграк берләштерәчәк, үткәндәге батырлыкларны искә төшерәчәк һәм яңа казанышларга илһамландырачак вакыйга булачак!» – дип билгеләп үтте Россиянең «Знание» җәмгыяте генераль директоры Максим Древаль.
Быел марафон вакыйгалары алдыннан махсус агарту форматлары булачак, аларда илнең барлык 89 төбәгеннән яшьләр катнаша алачак. Шундый форматларның берсе – «Җиңү кайтавазы» анимацион комикслары, алар герой-шәһәрләргә, Бөек Ватан сугышының төп сугыш урыннарына һәм шушы вакыйгалар хөрмәтенә корылган мемориалларга багышланган һәм хәтернең, тынычлыкның һәм бердәмлекнең мөһимлеген искә төшереп торачак. Проект тарихи вакыйгаларның иҗади интерпретациясеннән гыйбарәт, аның беренче ике сериясе «Җиңү кылычы» монументаль совет һәйкәлләре триптихы һәм Мәскәүгә якынлашуны саклаган 28 солдатның батырлыгын данлаучы «Герой-панфиловчыларга» мемориалы турында сөйләячәк.
Моннан тыш, Бөек Ватан сугышы турындагы истәлекне сакларга һәм ата-бабаларның батырлыгы турындагы белемнәрне арттырырга «Знание» Россия җәмгыятенең Знание.Вики электрон энциклопедиясендә Ватан геройлары турындагы мәгърифәтчелек мәкаләләре ярдәм итәчәк. Проект кысаларында Җиңү көненә автор-волонтерлар Советлар Союзы геройлары турында һәм Бөек Ватан сугышы вакыйгаларына бәйле темаларга кимендә 1500 мәкалә язачак. Мәгълүмати материаллар Бөек Ватан сугышы геройлары һәм махсус хәрби операция турында сөйләячәк. Моннан тыш, яшьләр илебезнең тарихи һәм әһәмиятле урыннары буенча «Экскурсия со Знанием» чарасында катнаша алачак. Ә проект кысаларында Знание.Игра махсус хәрби операөия һәм Җиңүнең 80 еллыгын ача торган тематик уеннар узачак.
Знание.Первые марафоны алдыннан эре агарту форматы Бөтенроссия патриотик акциясе булачак, ул мартта старт алачак һәм 9 майга кадәр дәвам итәчәк. Бөтен ил буенча лекторлар яшьләргә Җиңүнең төп вакыйгалары һәм геройлары турында сөйләячәк. Шулай ук Россиянең истәлекле даталарына багышланган эксклюзив кино күрсәтүләр дә махсус вакыйгалар булачак.
Знание.Первые федераль агарту марафоннары үзләрен беренче затлар һәм яшьләр арасында турыдан-туры аралашу өчен популяр мәйданчыклар сыйфатында күрсәттеләр. Алдагы марафоннарда катнашучылар саны 100 меңнән артып китте. Тыңлаучылар алдында 1300 тапкырдан артык «Знание» җәмгыяте лекторлары: бизнес лидерлары, галимнәр, спортчылар, фәнне популярлаштыручылар, дәүләт эшлеклеләре һәм башка экспертлар чыгыш ясады.