Татарстан Республикасы командасы «Медицинада лидерлык» белем бирү программасында катнашты
Казанда AMTEC KAZAN Югары медицина технологияләре белем бирү үзәге базасында «Яшьләр һәм балалар» милли проектының «Россия – мөмкинлекләр иле» президент платформасының «Сенеж» идарәсе остаханәсе оештырган «Медицинада лидерлык» программасының икенче модуле тәмамланды. Аның максаты – медицинада үзәктә кеше булган якын килү аша кешеләрнең тормыш сыйфатын күтәрү стратегиясен кертергә әзер җитәкчеләр бергәлеген формалаштыру. Укуларда илнең төрле төбәкләреннән 150 сәламәтлек саклау өлкәсе җитәкчесе һәм белгече, шул исәптән Татарстан Республикасының 19 вәкиле катнашты.
Быел программага, Татарстан Республикасы делегациясен дә кертеп, Россиянең сигез төбәгеннән 150 белгеч һәм сәламәтлек саклау системасы җитәкчеләре җыелды. 2022 елдан башлап проектка барлыгы 700дән артык кеше кушылды. Белем бирү модульләре илнең төрле шәһәрләрендә уза: 2025 елда беренче этап Красноярск краенда, икенчесе Казанда узды. Традиция буенча программада укытуны актуаль практик тәҗрибә белән баетырга мөмкинлек бирә торган иң көчле профильле спикерлар, шулай ук «Россия лидерлары» президент платформасы конкурсында җиңүчеләр катнаша.
«Сәламәтлек саклау өлкәсенең нәтиҗәлелегенә кешеләрнең гомер сыйфаты һәм озынлыгы, илнең киләчәге турыдан-туры бәйле. «Медицинада лидерлык» программасын без нәкъ менә шушы өстенлекләрне исәпкә алып төзедек. Безнең максат – идарәчеләрне иң яхшы идарә итү карарларын гамәлгә кертергә, көчле командалар төзергә һәм тармак таләпләренә нәтиҗәле җавап бирергә мөмкинлек бирәчәк гамәли белемнәр һәм заманча кораллар белән таныштыру. Программа тулысынча медицина бергәлегенең реаль ихтыяҗы нигезендә төзелде. Без идарәчеләр көн саен очраша торган барлык авырткан нокталарны исәпкә алабыз: процессларны цифрлаштыру, сакчыл технологияләр кертү, нәтиҗәле командалар формалаштыру. Шунысы мөһим, күп кенә катнашучылар инде икенче модульдә үк идарә итүгә якын килүләрдәге үзгәрешләрне һәм яңа карарлар кертүгә ышаныч артуын билгеләп үтәләр» , - дип билгеләп үтте «Россия-мөмкинлекләр иле» президент платформасының «Сенеж» идарәсе остаханәсенең «Медицинада лидерлык» программасы җитәкчесе Дмитрий Атаманов.
Татарстан Республикасыннан программада 19 медик-идарәче командасы катнаша, алар арасында М.Н.Садыйков исемендәге 7 нче шәһәр клиник хастаханәсенең бүлек башлыгы Юлиана Осетрина да бар.
«Россия – мөмкинлекләр иле» президент платформасының «Сенеж» идарәсе остаханәсе программасында катнашу минем барлык көткәннәремдән дә яхшырак. Монда шулкадәр җанлы аралашу һәм шулкадәр актуаль материал ки, спикерларның һәр сүзен соңгы тамчыга кадәр сеңдерәсе килә. Беренче модульдән соң ук мин бизнес-тренер Ирина Грачева сөйләгән проблемаларны хәл итү ысулларын актив куллана башладым. Мәскәү һәм Мәскәү өлкәсенең Сәламәтлек саклау системасы бик тәэсирләндерде, бигрәк тә корпоратив сәясәтне оештыру өлешендә, бу миңа һөнәри эшчәнлек буенча якын. Хәзер без хезмәттәшләребез белән актив аралашабыз, һәм мин мөмкин кадәр күбрәк белергә тырышам, бу алымнарны үз оешмаларымда булса да кертергә тырышырмын. Гомумән алганда, миндә иң зур тәэсирне экспертлар Ирина Грачева һәм Наталья Галкина чыгышлары калдырды: аларның алымнары һәм идеяләре чыннан да илһамландыргыч булды», – дип уртаклашты Юлиана Осетрина.
Биш көнлек модульнең белем бирү программасы бай һәм төрле планлы иде. Катнашучылар шәхси бренд формалаштыру һәм массакүләм мәгълүмат чаралары белән хезмәттәшлек принциплары белән таныштылар, сәламәтлек саклауны цифрлаштыру һәм сакчыл технологияләрне гамәлгә кертү мәсьәләләренә чумдылар, 2025 елгы медицина законнары новеллалары турында белделәр. «Медицинада лидерлык»ның беренче модуленнән аермалы буларак, ул җитәкченең шәхси сыйфатларын үстерүгә һәм шәхси компетенцияләргә багышланган иде, икенче модульдә төп игътибар команда эшенә бирелде. Лекцияләр һәм мастер-класслар барышында медиклар ситуация менеджментын, команданы диагностикалау ысулларын һәм коллективның аерым әгъзаларының ролен өйрәнделәр, команданы делегацияләү һәм идарә итү күнекмәләрен үзләштерделәр. Команда эшенең персоналның нәтиҗәлелегенә һәм мотивациясенә йогынтысы мәсьәләләренә аерым игътибар бирелде.
Соңгы көннәр проектлы идарә итүгә һәм дәвалау учреждениеләренең киләчәге турында күзаллау формалаштыруга багышланды. Мондый формат яңа белемнәр алырга гына түгел, ә катнашучы үз төбәкләрендә гамәлгә кертә алачак реаль кейсларны эшләргә дә мөмкинлек бирде.
Ел ахырына кадәр күчмә модульләр Петропавловск-Камчатск, Мәскәү өлкәсе, Донбасс һәм Новороссиядә узачак. Финал этабы «Россия – мөмкинлекләр иле» Президент платформасының «Сенеж» идарәсе остаханәсендә узачак.