19.       2016 ЕЛДА ТАТАРСТАН РЕСПУБЛИКАСЫ МУНИЦИПАЛЬ БЕРӘМЛЕКЛӘРЕНДӘ ДӘҮЛӘТ ЯШЬЛӘР СӘЯСӘТЕН ГАМӘЛГӘ АШЫРУНЫҢ НӘТИҖӘЛЕЛЕГЕН БӘЯЛӘҮ

         Татарстан Республикасы Премьер-министры И. Ш. Халиковның 2012 елның 11 декабрендәге ИХ-12-516 номерлы киңәшмә беркетмәсен һәм Татарстан Республикасы Яшьләр эшләре, спорт һәм туризм министрлыгының «Татарстан Республикасы Яшьләр эшләре, спорт һәм туризм Министрлыгының 2012 елдагы эш йомгаклары һәм 2013 елга бурычлары турында» 5.02.2013 елдагы 1 номерлы коллегиясе карарын үтәү йөзеннән «Республика яшьләр үзәге» дәүләт бюджет учреждениесе, Татарстан Республикасы Яшьләр эшләре һәм спорт Министрлыгы» яшьләр сәясәте өлкәсендә казанышлар рейтингын формалаштыру һәм нәтиҗәлелеген бәяләү өчен Татарстан Республикасы Муниципаль берәмлекләре эшчәнлеге күрсәткечләре»н әзерләде. Аларның нигезендә ел саен муниципаль берәмлекләр рейтингы төзелә.

Төп нәтиҗәләр:

1.      Муниципаль берәмлекләр эшчәнлеген бәяләү критерийлары яшьләр эшләре буенча Федераль агентлыкның төп күрсәткечләре системасы нигезендә эшләнгән һәм үз эченә дәүләт яшьләр сәясәтен гамәлгә ашыру өлкәсендә эшчәнлекнең төп юнәлешләрен характерлаучы 19 агрегацияләнгән индикаторны ала.

2.      Хисап чорында дәүләт яшьләр сәясәте өлкәсендә вәкаләтләрне гамәлгә ашыру турында 45 муниципаль берәмлекнең хисапларында бирелгән мәгълүмат агрегатланган индикаторларны исәпләү өчен нигез булды, бу аларның гомуми саныннан 100% тәшкил итте.  

3.      Республиканың барлык муниципаль берәмлекләрендә дә дәүләт яшьләр сәясәтенең өстенлекле юнәлешләрен норматив-хокукый тәэмин итү мәсьәләләренә җитәрлек игътибар бирелә, муниципаль программалар кабул ителде һәм тормышка ашырыла. Шуның белән бергә, әлеге күрсәткеч буенча рейтингның соңгы баскычын биләгән Арча муниципаль районында агрегацияләнгән индикатор (0,24) элеккечә түбән булып кала бирә. Әтнә муниципаль районы хисабында яшьләр сәясәтенең норматив-хокукый базасын үстерү буенча мәгълүматлар булмау сәбәпле, аның эшчәнлегенең нәтиҗәлелегенең агрегацияләнгән индикаторы нольгә тиң, ә район соңгы урында тора.

4.      Дәүләт яшьләр сәясәте инфраструктурасы үсеше күрсәткечләре тотрыклы рәвештә тигез һәм югары булып тора.

5.      Дәүләт яшьләр сәясәтен финанс яктан тәэмин итүнең нәтиҗәлелеген анализлау күрсәткәнчә, кайбер муниципаль районнарда финанслау җитәрлек дәрәҗәдә булмау сәбәпле, агрегацияләнгән индикаторның әһәмияте нольгә омтыла. Алар арасында Әтнә, Аксубай, Бөгелмә, Югары Ослан, Яшел Үзән һәм Сарман районнары. Аларны финанслау аларның төркемнәре буенча минималь булып тора.

6.    Казан шәһәрендә (0,98), Яр Чаллы шәһәрендә (0,97) һәм Әлмәт муниципаль

районында (0,94) кадрлар белән эшләү югары дәрәҗәдә тора – алар бу юнәлештә лидерлык өчлеген тәшкил итәләр. Яшьләр сәясәте өлкәсе хезмәткәрләренең һөнәри осталыгы республика конкурсында катнашкан районнар саны артуга уңай тенденция күзәтелә башлады, соңгы 3 ел дәвамында дәүләт яшьләр сәясәте өлкәсендә квалификация күтәрү курслары узмаган районнар саны 2 тапкырга кимеде.

7.   Чистай (1,0), Азнакай (0,89) муниципаль районнары, Казан (0,78) һәм Яр Чаллы (0,78) шәһәрләре дәүләт яшьләр сәясәтен мәгълүмати тәэмин итүнең лаеклы дәрәҗәсен күрсәттеләр. Кама Тамагы, Яңа Чишмә һәм Сарман муниципаль районнарында яшьләр сәясәтенә мәгълүмати ярдәм күрсәтүгә җитәрлек игътибар бирелми, анда бу юнәлештә эшнең нәтиҗәлелегенең агрегацияләнгән индикаторы нольгә якын. Республиканың 10 районында (20% тан артык) яшьләр аудиториясе белән эшләү өчен Интернет - киңлек һәм аерым алганда социаль челтәр мөмкинлекләре файдаланылмый.

8.      2016 елда яшь гаиләләр белән эшләү буенча лидерлар - Яр Чаллы шәһәре (0,73), Мөслим (0,73), Чистай (0,70) һәм Азнакай (0,68) муниципаль районнары. Яшь гаиләләр белән эшләүгә Әтнә һәм Сарман муниципаль районнарына игътибар бирергә кирәк, аларның нәтиҗәлелеге индикаторы нольгә якын.

9.      Республиканың барлык муниципаль берәмлекләрендә дә ял һәм сәламәтләндерүне оештыру буенча планлы эш алып барыла, яшьләр белән профилактик эш алып барыла, наркотиклаштыруны профилактикалау, экстремизмны һәм терроризмны профилактикалау, Россия тәңгәллеген формалаштыру, Россия милләтенең бердәмлеген булдыру, мәдәниятара һәм конфессияара әңгәмәгә ярдәм итү буенча чаралар үткәрелә. Әмма Әтнә муниципаль районында бу юнәлеш буенча нольле хисап тоткан ялны һәм сәламәтләндерүне оештыру, сәламәт яшәү рәвешен формалаштыру буенча эшне активлаштырырга кирәк. 2016 ел дәвамында Әтнә һәм Кама Тамагы районнарында Россия тәңгәллеген, Россия милләтенең бердәмлеген формалаштыру, мәдәниятара һәм конфессияара әңгәмәгә ярдәм итү буенча чаралар үткәрелмәде, Кама Тамагы районында халыкны наркотиклаштыруны профилактикалау һәм экстремизм идеяләре таралуны профилактикалау эшенә җитәрлек игътибар бирелмәде.

10.  Кама Тамагы (0,2), Әтнә (0,24) һәм Сарман (0,24) муниципаль районнарында яшьләрне патриотик тәрбияләү һәм армиягә кадәр әзерләү юнәлешендә эш җитәрлек дәрәҗәдә нәтиҗәле алып барылмый.

11. Республиканың барлык муниципаль берәмлекләрендә балалар һәм яшьләр берләшмәләре, авыл яшьләре белән эш оештырылган, иреклелек хәрәкәте үсә. Шуның белән бергә, Әтнә муниципаль районында авыл яшьләре белән эшне активлаштыру һәм иреклелек юнәлешен үстерү мәсьәләләренә, ә Сарман муниципаль районында балалар һәм яшьләр берләшмәләре белән эшне оештырырга кирәк.

12.    Яшьләр эшмәкәрлеген үстерү һәм ярдәм итү буенча Яшьләр һәм шәһәр (район) клублары (үзәкләре) эшмәкәрлек активлыгы үсешенә булышучы берләшмәләрнең саны арту тенденциясе күзәтелә, республиканың муниципаль берәмлекләрендә яшьләр белән актив эш алып барыла, студентлар үзидарәсе үсә, яшьләрне фәнни-техник иҗатка һәм инновацион эшчәнлеккә җәлеп итү, иҗат яшьләре белән эшләүгә зур игътибар бирелә. Шул ук вакытта Әтнә районында (агрегацияләнгән индикатор 2015 елда 0,34 тән 2016 елга кадәр кимегән) һәм Минзәләдә (агрегацияләнгән индикатор 0,2 дән 0,1 гә кадәр кимегән) иҗади яшьләр белән эшләүнең нәтиҗәлелеге мантанырлык түгел.

13.    Республиканың барлык муниципаль берәмлекләрендә дә, Әтнә һәм Сарман районнарыннан тыш, дәүләт кайгыртуына мохтаҗ яшьләр белән эш алып барылды. 2015 ел белән чагыштырганда, тулаем республикада бу юнәлеш буенча төбәк форумнары эшенә яшьләрне җәлеп итү буенча хәл яхшырды.

14.    Татарстан Республикасы муниципаль берәмлекләренең йомгаклау рейтингы билгеләнде; дәүләт яшьләр сәясәтен гамәлгә ашыру буенча гомуми рейтингның беренче унлыгына Казан, Чаллы (0,866), Чистай (0,816), Әлмәт (0,760), Мөслим (0,667), Түбән Кама (0,655), Балтач (0,635), Алабуга (0,634), Азнакай (0,623), Зәй (0,592) һәм Аксубай (0,586) муниципаль районнары керде.

2016 елда дәүләт яшьләр сәясәтенең төп юнәлешләрен гамәлгә ашыру буенча муниципаль берәмлекләрнең йомгаклау рейтингы