Казанда «Игелек турында» Урта һөнәри белем бирү студентларының Бөтенроссия форумы старт алды
Бүген, 15 октябрьдә, Казанда «Игелек турында» Бөтенроссия һөнәри белем бирү оешмалары форумы - Россия яшьләр берлеге, Россия студентлар һәм студентлар берләшмәләре ассоциациясенең уртак проекты старт алды. Биш көн дәвамында Россиянең 75 төбәгеннән 700 студент һәм 300 көллият һәм техникум мөгаллиме белем бирү программасын узачак һәм Россиянең Урта һөнәри белем бирү оешмаларында студентлар үзидарәсен үстерүнең юл картасын эшләячәк. Форум РФ Мәгариф министрлыгы ярдәме белән «Мәгариф» милли проектын тормышка ашыру кысаларында уза.
Россия Федерациясе Президенты Администрациясе җитәкчесенең беренче урынбасары Сергей Кириенко форум адресына сәламләү сүзләрен юллады: «Хөрмәтле катнашучылар! Сезне «Игелек турында»һөнәри белем бирү оешмалары студентларының беренче форумында сәламлим. Урта һөнәри белем бирү системасын үстерү Россиянең алга таба фәнни-технологик үсеше өчен шартларның берсе булып тора. Бу эштә мәгариф оешмаларында яшьләргә рухи - әхлакый һәм патриотик тәрбия бирүгә аерым урын бирелгән. Педагогларга һәм остазларга рәхмәт әйтәсем килә-сезнең тәҗрибәгез бик югары бәяләнә! Форум тәрбия эшенә яңа актуаль алымнар формалаштыру, тәҗрибә уртаклашу һәм иң яхшы тәҗрибәләрне тарату өчен традицион мәйданчык булыр дип ышанам. Форумның барлык эшләнмәләре — идеяләр, планнар һәм инициативалар — сезнең көллият һәм техникумнарыгызда үсешен дәвам итсен, ә булдырылган элемтәләр вакыт белән ныгый барсын. Сезгә уңышлы эш телим!»
Форумны ачу тантанасы кысаларында онлайн-форматта РФ мәгариф министры Сергей Кравцов катнашучыларга мөрәҗәгать итте: «Хәерле көн, кадерле дуслар! «Игелек турында» Бөтенроссия урта һөнәри белем бирү студентлары форумында катнашучыларны һәм оештыручыларны чын күңелдән сәламлим. Бүген яшьләр арасында һөнәри белем бирүнең популярлыгы арта бара. Бу факт. Әмма безнең илдә социаль һәм икътисади үзгәртеп коруларга бәйле рәвештә, һөнәри белем бирү системасының төп миссиясен үтәүгә – ил икътисадын квалификацияле кадрлар белән тәэмин итүгә карата таләпләр дә арта.
Биредә, һөнәри әзерлектән тыш, социаль активлыкны кертеп, булачак белгечнең иҗади потенциалын ачу беренче планга чыга. Урта һөнәри белем бирү студентларының Бөтенроссия форумын мөһим вакыйгаларның берсе дип санарга мөмкин,чөнки ул илебезнең барлык почмакларыннан иң талантлы, инициативалы һәм энергияле егетләрне һәм кызларны берләштерде. Сезгә актив эш, хәзерге заманның актуаль проблемалары турында фикер алышу, уртак проектларны эшләтеп җибәрү, тәҗрибә трансляцияләү һәм, әлбәттә инде, шәхси бәйләнешләрне урнаштыру зарури. Барыгызга да уңышлар һәм яхшы нәтиҗәләр телим!».
Форум студентлар үзидарәсен һәм тәрбия эшен үстерү мәсьәләләре буенча әңгәмә мәйданчыгына әвереләчәк, анда катнашучылар студентлар берләшмәләре үсешенә үз тәкъдимнәрен кертә алачак.
«Без бүген Россиянең һөнәри белем бирү оешмаларында студентлар бергәлекләрен үстерү өчен зур һәм мөһим адым ясыйбыз. Яшьләрнең күпмиллионлы бу аудиториясе үз-үзләрен күрсәтә алсын, һөнәри белемнәре кысаларында үз компетенцияләрен арттыру өчен мөмкин кадәр күбрәк мәгълүмат һәм мөмкинлекләр алсын, социаль инициативаларны тормышка ашырсын, гражданлык активлыгына максималь рәвештә кушылсын өчен эшләнелгән. Моның өчен «Игелек турында» форумына Россиянең 75 төбәгеннән катнашучылар җыелды. Алар-студентлар һәм тәрбия эшләре буенча белгечләр, экспертлар. Бер ай эчендә без катнашу өчен 2 меңгә якын гариза алдык. 700 студент һәм 300 педагогик хезмәткәр сайлап алынды. Казанда аралашачакбыз, өйрәнәчәкбез, тәҗрибә уртаклашачакбыз һәм алга таба эшнең конкрет максатларын билгеләячәкбез. Мин ышанам, бу бик продуктив көннәр булачак, ә мондый Федераль җыю ноктасының форматы ел саен эшләргә тиеш. Безнең максат һәм карашларыбызда без профильле министрлык, Урта һөнәри белем бирү һәм, иң мөһиме, Урта һөнәри белем бирү учреждениеләре белән фикер алышуда бердәм», - дип аңлатма бирде РСМ рәисе, РФ Иҗтимагый палатасы әгъзасы Павел Красноруцкий.
Кече шәһәрләрдә һәм җирлекләрдә студентлар җәмәгатьчелеген үстерү өчен форумның әһәмиятен Татарстан Республикасы Яшьләр эшләре министры Тимур Сөләйманов билгеләп үтте: «Форум киләчәкләрен конкрет һөнәр белән бәйләгән кызлар һәм егетләрне берләштерде. Урта һөнәри белем бирү студентларының үзенчәлеге шунда: алар еш кына авыл яшьләре вәкилләре булып торалар. Форумда Россиянең 75 регионыннан студентлар катнаша, шул исәптән алар үз муниципаль берәмлекләреннән дә. Алар-авыл территорияләрендә үсешләрен һәм киләчәген булдыручы кешеләр. Безнең республика өчен авыл яшьләре белән эшләү өстенлекле юнәлеш булып тора. Форум тәҗрибә һәм кызыклы практикалар белән уртаклашу мәйданы булып тора».
Министр шулай ук форум кысаларында үткәрелә торган Бөтенроссия ирекле берләшмәләр проектлары конкурсына да игътибар юнәлтте. «Конкурс һөнәри белем бирү оешмаларының ирекле берләшмәләре эшчәнлеген популярлаштыруга юнәлдерелгән. Бу студентлар өчен үз эшчәнлекләре турында сөйләү, экспертлардан кире элемтә алу өчен тагын бер мөмкинлек», - дип билгеләп үтте Тимур Сөләйманов. Аның сүзләренә караганда, конкурс өч номинация буенча узачак: «Нәтиҗәлелек» (студентларның ирекле һәм иҗтимагый эшчәнлегенә җәлеп итүгә, аларның эш нәтиҗәлелеген күтәрүгә юнәлдерелгән проектлар), «Алга этәрү» (ТР буенча студентлар арасында ирекле эшчәнлекне популярлаштыруга юнәлдерелгән проектлар), «Системалылык» (студентлар берләшмәләренең системалы эшен булдыруга юнәлтелгән проектлар).
Форум нәтиҗәләре буенча шулай ук студентларның борчыган проблемаларны анализлауга юнәлгән иң яхшы практикалар җыентыгы төзеләчәк һәм актуаль мәсьәләләрне хәл итү буенча тәкъдимнәр кертеләчәк.
Форумны оештыручылар-Россия Федерациясе Мәгариф министрлыгы, Татарстан Республикасы Хөкүмәте, Татарстан Республикасы Яшьләр эшләре министрлыгы, «Россия студентлар һәм студентлар берләшмәләре ассоциациясе» Гомумроссия иҗтимагый яшьләр хәрәкәте, «Россия яшьләр берлеге» гомумроссия иҗтимагый оешмасы, автоном коммерцияле булмаган оешма.