«УРАМ» экстрим-паркында граффити һәм урам сәнгате өчен Казанда беренче махсуслаштырылган дивар барлыкка киләчәк
«COMBOnation» брейкинг һәм урам мәдәнияте фестивале вакытында Казанның «УРАМ» экстрим-паркында граффити өчен беренче махсуслаштырылган дивар барлыкка киләчәк. Бу хакта Казанның урам рәссамы Дамир Бозик хәбәр итте.
«Мин һәм минем «COMBOnation» фестивале резидентлары командасы граффити юнәлеше буенча урам рәссамнары өчен махсус «Surface» өслеген урнаштыру рәвешендә Казан шәһәре өчен махсус проект эшләделәр.
Проектның төп максаты-заманча рәссамнар һәм җәмгыять арасында диалогны халык алдында урнашкан махсус локация ярдәмендә стимуллаштыру. Бу авторларга сыйфатлы эш башкарырга, ә тамашачыларга әлеге процессны күзәтергә, тематик чаралар, мастер-класслар үткәрергә һәм яңартылган арт-объект һәм үзенә күрә бер күнегү мәйданчыгы сыйфатында яшәргә мөмкинлек бирәчәк», – дип билгеләп үтте ул.
Махсус дивар 28 августта ябык парк янындагы аллеяда ачылачак, анда урам рәссамнары үзләренең беренче рәсемен ясый алачак.