Рөстәм Миңнеханов Кукмара районында яңартылган «Имәнкәй» лагерында булып кайтты
Татарстан рәисе Рөстәм Миңнеханов Кукмара районына эш сәфәре кысаларында капиталь ремонттан соң «Имәнкәй» балаларны савыктыру лагеренда булды. Аны ТР Яшьләр эшләре министры Ринат Садыйков һәм Кукмара муниципаль районы башлыгы Сергей Димитриев озата йөрде.
Капиталь ремонт 2023 ел башында башланган. Эшләр вакытында иске биналар сүтелә. Алар урынына 4 йокы корпусы төзелгән. Аларда суүткәргеч һәм канализация үткәрелгән, душ бүлмәләре җиһазландырылган. Шулай ук яңа медпункт төзелде. Лагерьны реконструкцияләү кысаларында спорт инфраструктурасы тулысынча яңартылган һәм территория төзекләндерелгән.
Рөстәм Миңнеханов лагерь территориясен, йокы корпусын һәм спорт мәйданчыгын карады, шулай ук сменада катнашучылар белән сөйләште, алар арасында мәктәп олимпиадаларында һәм спорт ярышларында җиңүчеләр дә бар.
«ТР рәисе Рөстәм Миңнеханов ярдәме белән республикада «Җәй-балаларга» балалар һәм яшьләрнең ял итү һәм сәламәтләндерү учреждениеләрен капиталь ремонтлау, реконструкцияләү һәм төзү программасы гамәлгә ашырыла. Мәсәлән, бу лагерьда бер сменада элек 85 бала ял итә алган, капиталь ремонттан соң үткәрү сәләте сменасына 160 балага кадәр арткан. 2024 елда капиталь ремонт программасына Татарстан Республикасының 12 муниципаль районында 15 лагерь кертелгән», - дип билгеләп үтте ТР Яшьләр эшләре министры Ринат Садыйков.
Ел саен җәйге чорда лагерьда 4 сменада 554 бала ял итә ала. Шушы көннәрдә «ДОБРОсмена» икенче сменасы ахырына якынлаша. Ул иреклеләрнең социаль компетенцияләрен үстерүгә юнәлдерелгән. Программа үз эченә иҗади һәм оештыру сәләтләрен үстерүче тренинглар, квестлар, интерактивларны ала. Яшьләрнең үз-үзләрен тормышка ашыру өчен шартлар тудыру «Мәгариф» илкүләм проекты максатларына туры килә.
Бүгенге көндә шәһәр читендәге, чатырлы, Кара диңгез буендагы, мәктәп яны һәм башка формадагы балалар лагерьларында 25 меңнән артык бала ял итә.