Татарстан һәм Башкортстан яшьләр форумында Сабантуй уздырды
Росмолодежь.Вакыйгалар платформасының «Метеор» Идел буе федераль округы яшьләр форумында милли бәйрәм-Сабантуй узды. Аны Татарстан һәм Башкортстан делегацияләре вәкилләре оештырды.
Традицион һәм һәркемнең яраткан бәйрәме берничә урында, татар һәм башкорт җырлары белән бергә узды. Чүлмәк вату, көянтә белән йөгерү, капчык киеп йөгерү, көрәш, мендәр көрәше — болар барысы да бүген гомуми бәйрәм рухын тутырган һәркемгә мәгълүм конкурслар.
«Мин Сабантуй турында күп ишеттем, әмма беренче тапкыр аны тере килеш күрдем. Көлү, шатлык, бәйрәм, матур костюмнар — монда булган хәлләр менә нәрсә белән ассоциацияләнә» - Сабантуй вакытында Түбән Новгород өлкәсе делегациясеннән «Метеор» форумында катнашучы.
«Сабантуй-яңа урында билгеләп үтү шатлыклы бәйрәм, шул рәвешле безнең мәдәниятләр турында гадәти булмаган ысул белән сөйләү. Бәйрәмебезнең биредә беренче тапкыр уздырылуын аңлап үткәрү аеруча шатлыклы хисләр уята» - Татарстан делегациясеннән форумда катнашучы Молычева Аделина.
Шуны да билгеләп үтәргә кирәк, 4 июльдән 9 июльгә кадәр Түбән Новгород өлкәсендә Идел буе федераль округының барлык 14 төбәге катнашында яңа «Метеор» форумы уза. Татарстаннан 74 делегат катнаша, форумга яшьләр командасы ТР Яшьләр министрлыгы ярдәмендә оештырылган иде. Форум яшьләрнең үз-үзен тормышка ашыруына юнәлдерелгән һәм «Мәгариф» милли проекты максатларына туры килә.
«Метеор» форумын Яшьләр эшләре буенча Федераль агентлык (Росмолодежь), Россия Федерациясе Президентының Идел буе федераль округындагы Тулы вәкаләтле вәкиле аппараты, Түбән Новгород өлкәсенең яшьләр сәясәте министрлыгы һәм «Высота» яшьләр үзәге оештыра.