Ринат Садыйков Казаноргсинтезның яшь белгечләре белән очрашты
Яшьләр эшләре Министры Ринат Садыйков Казаноргсинтезның яшь белгечләре белән очрашты.
Министр республикада яшьләр сәясәтен гамәлгә ашыру, шулай ук төбәк территориясендә яшәүче яшьләргә бирелә торган гамәлдәге ярдәм чаралары һәм мөмкинлекләр турында сөйләде.
«Бүген бу предприятиедә сезнең эшегез-киләчәк, иртәгәге көн, илебезнең икътисадый үсеше сездән тора. ТР Яшьләр министрлыгы өчен эшче һөнәрләргә мөмкин кадәр күбрәк яшьләрне җәлеп итү мөһим. Сәнәгать өлкәсендә эшләү, заводта карьера үсеше мөмкинлекләре, табышлы һәм файдалы эш», - диде Ринат Садыйков.
Казаноргсинтезның яшь белгечләре үзләрен кызыксындырган сорауларны бирә, шулай ук завод территориясендә яшьләр сәясәтен гамәлгә ашыру буенча үз идеяләрен тәкъдим итә алдылар.
«Мин үз эшем белән горурланам, күпләр моны хатын-кыз һөнәре түгел дип саный, әмма миңа файда китерү, Татарстанның сәнәгать өлешен үстерүгә шәхси өлеш кертү ошый. Безнең эш-ул масштаблы һәм кызыклы, елдан-ел безгә яшь хезмәткәрләр килә һәм безнең команданың үсәчәгенә ышанасы килә»,-дип ассызыклады яшь инженер-конструктор Елизавета Зуевская.
«Казаноргсинтез» генераль директоры Айрат Сафин предприятие үсеше турында сөйләде: «Заводтагы яшьләр — безнең һөнәр белән кызыксыну күрсәткече».
Министр түгәрәк өстәл форматында фикер алышуда катнашты, аның кысаларында республика яшьләр чараларында Казаноргсинтезның экологик көн тәртибен киңәйтү, «Заводта эшләү модада» һәм «Заводта хатын-кыз» кебек HR брендларын үстерү мәсьәләләре күтәрелде. Очрашуның мөһим темаларыннан берсе социаль проектларга грант ярдәме күрсәтү һәм яшьләр арасында эшче һөнәрләрен популярлаштыру булды.
Предприятиедә яшьләр хәрәкәте үсеше турында «Казаноргсинтез»ның оештыру үсеше буенча директоры Юлия Меречина сөйләде:
«Безнең бурыч мөмкин кадәр күбрәк яшь белгечләрне җәлеп итү, бүгенге көндә предприятиенең гомуми санының 30% тан артыгын яшь хезмәткәрләр тәшкил итә (35 яшькә кадәр). Без югары һәм урта уку йортларында һөнәри юнәлеш бирү чараларына, Татарстанның корпоратив форумнарында һәм яшьләр хәрәкәтләрендә катнашуга, укыту программаларына һәм һөнәри осталык конкурсларына җәлеп итүне арттыруга, инновацион, инженерлык һәм рациональ фикерләүне үстерүгә игътибар бирәбез».
Соңыннан экскурсия булды, анда яшь белгечләр завод эшенең юнәлешләрен тәкъдир иттеләр.
Цифрлы офис эксперты һәм «Казаноргсинтез» яшьләр хәрәкәте лидеры Дамир Зыятдинов:
«Предприятиебезнең эшләүче яшьләре өчен иҗат, спорт, иреклелек, шулай ук проект һәм команда эшчәнлеге кебек төрле юнәлешләрдә үсеш өчен барлык шартлар да тудырыла. Әлеге юнәлешләр буенча эшләрне лидерлар-Казаноргсинтезның яшь хезмәткәрләре гамәлгә ашыра».