«Россия – мөмкинлекләр иле» Президент платформасының «Мәгариф флагманнары» проекты Татарстан Республикасы халкы өчен  «СпортТрек» юнәлешенең конкурс этабы башлануы турында игълан итте. Катнашучыларга белем бирү марафонын һәм конкурс сынауларын узарга туры киләчәк, шулай ук аларның спорт өлкәсендәге белгечләрнең һөнәри бергәлегенә кушылу мөмкинлеге барлыкка киләчәк.

Ел саен балаларны савыктыру лагерьларында 220 меңнән артык бала һәм яшьләр ял итә. 2026 елда сәламәтләндерү кампаниясен финанслау 3,1 млрд сум тәшкил итә, бу узган ел белән чагыштырганда 21% ка күбрәк.

Татарстанда «Созвездие-Йолдызлык» Эстрада сәнгатенең XXVI ачык республика телевизион яшьләр фестивале җиңүчеләренә республика Рәисе Рөстәм Миңнехановның махсус дәүләт стипендияләрен тапшыру тантанасы узды. Балаларга бүләкләрне Татарстан Республикасы Министрлар кабинетында Татарстан вице-премьеры Ләйлә Фазлыева тапшырды.

Татарстан Республикасы Яшьләр эшләре министрлыгы матбугат хезмәте хәбәр иткәнчә, Халыкара балаларны яклау көнендә «Идел» яшьләр үзәге базасында «Милләтебез хәзинәләре» — «Сокровища нации» профильле балалар сменасы ачылды. Проектны Татарстан Республикасы Яшьләр эшләре министрлыгы, «Идел» Яшьләр үзәге, Татарларның федераль милли-мәдәни автономиясе оештыра.