Бөтенроссия эшче яшьләр форумында «Казанның гамәлләр планын» кабул итәчәкләр һәм грантлар өчен 20 млн сум уйнатылачак

2019 елның 25 мае, шимбә

22-26 майда Казанда беренче тапкыр Бөтенроссия эшче яшьләр форумы уза. Россиянең 56 регионыннан 300 яшь белгеч сәнәгать предприятиеләрендә һәм төрле тармак оешмаларында эшләүче яшьләр өчен мөмкинлекләр тудырырга кирәклеге турында фикер алыштылар. Форум барышында яңгыраган барлык тәкъдимнәрне «Казан гамәлләр планы» дип аталган документка берләштерделәр. Ул бөтен ил буенча гамәлгә кертергә планлаштырган предприятиеләрдә яшьләр белән эшләү стандарты нигезенә булачак.