Балалар һәм яшьләр берләшмәләре лидерлары Казанда
«Пирамида» мәдәни-күңел ачу комплексында Бөтенроссия «XXI гасыр лидеры» балалар һәм яшьләр иҗтимагый оешмалары лидерлары һәм җитәкчеләре берләшмәләренең «Озын тәнәфес» Бөтенроссия бәйгесе ярымфиналының тантаналы ачылышы узды.
Ачылу тантанасында катнашучыларны Татарстанның милли һәм мәдәни үзенчәлекләре, бәйгенең күпьеллык тарихы һәм агымдагы ел яңалыклары белән таныштырдылар.
Сәламләү сүзе белән ТР Дәүләт Советы рәисе Фәрит Мөхәммәтшин чыгыш ясады: «Бүген биредә Россия яшьләренең иң талантлы, перспективалы, әзерлекле һәм һәр мәсьәләгә битараф булмаучаннары җыелды, - дип билгеләп үтте Фәрит Мөхәммәтшин. - Бәйгенең финалистлары саны елдан - ел арта бара - 2008 елда 100 яшьләр лидеры, 2017 елда-300, ә быел РФнең 70 төбәгеннән төбәк этабында 500 җиңүче катнашты. Сезгә мәгариф, мәдәният, спорт һәм башка өлкәләрдәге социаль әһәмиятле проектларыгызны тәкъдир итәргә туры киләчәк. Җиңүчеләр «Озын тәнәфес» финалына узачак.
«Дәүләт Думасы депутаты буларак, мин сезгә шуны белдерә алам: 8 чакырылышта Дәүләт Думасы депутатлары кабул иткәннәрдән иң көтелгән, перспектив һәм мөһим законнарның берсе - Россия балалар һәм яшьләр хәрәкәте турындагы закон булды. Бу Закон яңа өстәмә мөмкинлекләр бирә. Россия-мөмкинлекләр иле. Минем теләк- үз потенциалыгызны, сәләтләрегезне һәм перспективаларыгызны тулысы белән тормышка ашырырга тырышыгыз! Сезнең барысы да килеп чыгачак!»,- дип өндәде VIII чакырылыш РФ ФҖ Дәүләт Думасы депутаты Татьяна Лионова.
Конкурс программасы өч блоктан тора: «Озын тәнәфес» кейсларын хәл итү, конкурс сынаулары һәм мәдәни-мәгариф программасы.
«Казанда финалга чыгучыларны бай эчтәлекле программа, бик күп хис-кичерешләр һәм яңа кызыклы танышулар көтә. Сынауларның төп максаты-балаларга үзләрен һәм көчле сыйфатларын күрсәтергә ярдәм итү. Кыз-егетләр активистлар гына түгел, алар социаль әһәмиятле проект авторлары һәм автордашлары да. Алар Казанда яңа дуслар табарлар һәм бирегә кабат кайтырга теләрләр дип ышанам», - диде ТР Яшьләр эшләре министры Тимур Сөләйманов. Ул үзе 2005 елда «XXI гасыр лидеры» конкурсында катнашып һәм җиңү яулаган иде.
Шунысын да билгеләп үтәргә кирәк, һәр конкурсант «Сәяхәттән күбрәк» яшьләр туризмын үстерү федераль программасының «Матур урыннар» категориясендә катнашуга 36 000 сумлык сертификат алачак.
Конкурс нәтиҗәләре буенча 100 җиңүче сайлап алыначак, алар «Озын тәнәфес» финалистлары итеп билгеләнәчәк һәм «Артек» ка барачак, анда 1 000 000 сум күләмендә акчалата призлар өчен көрәшәчәк.
Ачылу тантанасын Казанда «Озын тәнәфес» Бөтенроссия конкурсының ярымфинал җитәкчесе Георгий Болотов төгәлләде: «Бу озын тәнәфеснең бердәнбер ярымфиналы, анда егетләр үз округларыннан гына түгел, бөтен илдән дә катнаша. Бу ике мастодонны берләштергән урын, ул ике конкурсны берләштерде. Бу безнең уникальлекне тудыручы зур көч. Без яңа хикәя, зур үзгәрешләр лидерлары тарихын булдырабыз! Безнең тату гаиләгә зур үзгәрешләр кертергә рәхим итегез! Конкурста һәркемгә уңышлар телим».
Татарстан Президенты Рөстәм Миңнеханов ярдәме һәм балалар хәрәкәтен үстерүдә аның шәхси кызыксынуы нәтиҗәсендә 20 җиңүче Татарстан Республикасы Президентыннан 50 000 сум күләмендә акчалата премиягә ия булачак.
Конкурсны оештыручылар-Яшьләр эшләре буенча федераль агентлык (Росмолодежь), «Россия – мөмкинлекләр иле» АКБО, «Большая Перемена» АКБО һәм Россия укучылар хәрәкәте.