Татарстан ведомстволарында стажировка узарга: «Вверх!» республика конкурсының гаризалар бирү кампаниясе старт алды
«Вверх!» республика конкурсының гаризалар бирү кампаниясе башланды. Конкурс үз карьерасын дәүләт гражданлык хезмәте белән бәйләргә теләүчеләргә Татарстан министрлыкларында һәм ведомстволарында стажировка үтәргә мөмкинлек бирәчәк.
«Бу һәр яшь кеше өчен уникаль мәйданчык. «Вверх!» дәүләт граждан хезмәте белән кызыксынучылар, дәүләт эшчәнлегенең миссиясе һәм асылы белән танышырга теләүчеләр өчен. Бүгенге көндә бу гибрид укыту форматын һәм практикага юнәлдерелгән тәҗрибә алуны берләштергән бердәнбер мәйданчык. Көндезге үсеш программасы һәм конкурс процедураларыннан тыш, һәр катнашучы конкурс медиаплатоформасында индивидуаль алым ала», - дип билгеләп үтте Татарстан Республикасы Яшьләр эшләре министры урынбасары Софья Мостафина.
Конкурста Россия Федерациясе гражданлыгы булган һәм республика территориясендә яшәүче 18 яшьтән 35 яшькә кадәрге Татарстан кешесе катнаша ала.
Конкурсның гаризалар бирү кампаниясе 2023 елның 31 мартына кадәр дәвам итәчәк. Катнашу өчен:
1)Сайтта гариза бирергә;
2) Сайтта күрсәтелгән форма буенча резюме тутырырга;
3)ВКонтакте социаль челтәрендә тәкъдим ителгән темаларның берсенә пост язарга/видео төшерергә: «дәүләт хезмәте — яшь кеше өчен перспектива» яки «нигә яшьләр өчен дәүләт хезмәте карьера төзү мөмкинлеге булып тора», #Вверх2023 хэштегын куеп, аккаунтны билгеләргә кирәк.
Конкурс барышында яшьләр Дәүләт төзелеше нигезләре буенча белемнәрен яхшырта, үсеш программасын үтә, файдалы танышулар булдыра һәм фикердәшләр командасын туплый, Татарстан Республикасы министрлыкларында һәм ведомстволарында стажировка үтә, профильле министрлыклар җитәкчелеге белән шәхсән очраша алачак.