«Омтылыш» сменасында инвалид яшьләр социаль проектлар эшләделәр
«Волга» яшьләр үзәгендә инвалид яшьләр өчен һөнәри юнәлеш бирү, укыту, сәламәтләндерү сменасы тәмамланды. Программа кысаларында инвалид яшьләр өчен мөмкинлекләр презентациясе уздырылды, панель сессияләре узды, дискуссия мәйданчыклары, практик модульләр һәм спикерлар чыгышлары оештырылды. Шул исәптән, катнашучылар сигез командага бүленеп, Татарстанда уңайлы мохитне тормышка ашыруга юнәлдерелгән проектлар әзерләделәр.
«Омтылыш» сменасы кысаларында катнашучыларның социаль проектлаштыру өлкәсендә яңа белем алулары, үз идеяләре белән уртаклашулары һәм яңа проектлар эшләве сөендерә», - дип билгеләп үтте ТР вице-премьеры Ләйлә Фазлыева.
Ул искәрткәнчә, республикада Татарстан Республикасы Яшьләр эшләре министрлыгы каршындагы Яшьләр инклюзив советы эшли, ул яшьләр сәясәте системасына һәм ведомство эшчәнлегенең барлык юнәлешләренә интеграцияләнгән. Совет әгъзалары программаларда һәм проектларда актив катнашалар һәм бу эшчәнлеккә яшьләрне күбрәк һәм күбрәк җәлеп итәләр.
Смена кысаларында чакырылган хөрмәтле кунаклар, федераль дәрәҗәдәге экспертлар, Россия Герое, Роскосмос космонавтлары отрядының Россия космонавт-сынаучысы Сергей Рыжиков, ТР Яшьләр эшләре министры Ринат Садыйков, ТР Яшьләр эшләре министрының беренче урынбасары Софья Мостафина, өзлексез белем бирү буенча проректор, педагогик инновацияләр һәм инклюзив белем бирү фәнни-тикшеренү институты директоры Дания Әхмәтова катнашты, «Казан сәүдә-икътисад техникумы» база һөнәри белем бирү оешмасының инклюзив белем бирүне үстерү буенча директор урынбасары, ТР «Абилимпикс» хәрәкәтен үстерү төбәк үзәге җитәкчесе урынбасары Оксана Дукс, «Татарстан студентлары лигасы» президенты Шамил Якупов, Татарстан халыклары Яшьләр ассамблеясы җитәкчесе урынбасары Амриддин Камолов, Игорь Крутой Академиясе сменада катнашучылар өчен концерт оештырды.
«Омтылыш» сменасында 58 катнашучы һәм озата баручы 26 кеше катнашты.
Сменаның максаты - форумда катнашучыларны социаль өлкәдә үз проектларын булдыруга илһамландыру, аларны тормышка ашыру өчен эш кораллары бирү, шулай ук катнашучыларга һәркемнең теләгән нәтиҗәләргә һәм үз хыялына ирешү өчен барлык мөмкинлекләре барлыгын күрсәтү, республикада социаль бурычларны тормышка ашыру өчен берләшмә идеясен кую иде.
Моннан тыш, смена кысаларында төбәк инклюзив кейсларын хәл итү юлы белән сәламәтлек мөмкинлекләре чикләнгән затларның активлыгын арттыруга, шулай ук Төбәк инклюзив клубларын формалаштыру өчен шартлар тудыруга юнәлдерелгән «Мөмкинлекләр канатлары» бөтенроссия инклюзив проекты гамәлгә ашырылды. Искәртеп узабыз, әлеге проект 2017 елдан бирле Росмолодежь тарафыннан гамәлгә ашырыла.
Чара нәтиҗәләре буенча балалар фикердәшләре белән таныштылар, яшьләр арасында инклюзив берләшмә төзеделәр, киләчәктә Татарстан Республикасы Хөкүмәте, Татарстан Республикасы Яшьләр эшләре министрлыгы, «Мөмкинлекләр канатлары» бөтенроссия инклюзив проекты, «Рәхмәт» социаль адаптация үзәге, «Ак Барс Созидание» Хәйрия фонды, «Игелекле Казан» хәйрия фонды ярдәме белән гамәлгә ашырылачак яңа проектлар булдырдылар.