Татарстан яшьләре Росмолодежьдан микрогрантлар конкурсында 1 млн сумнан артык акча отты
Росмолодежь микрогрантлар конкурсына йомгак ясады: 405 проект 35 млн сумнан артык ярдәм алачак. Җиңүчеләр арасында Татарстан яшьләреннән 16 проект бар. Проектларны тормышка ашыру өчен яшьләр 1 119 504 сум акча откан.
Татарстан Республикасы конкурс җиңүчеләре саны буенча топ-5 арасында. Шул исәптән бу исемлеккә Санкт-Петербург, Удмуртия республикасы, Волгоград һәм Түбән Новгород өлкәләре кергән.
Әйтик, «Фәнни-белем бирү уены – «НАУКАПОЛИЯ» проекты белән «Двигай_сообщества» номинациясендә Светлана Вяткина (Чаллы) республикадан җиңүче булды. Төрле социаль төркемнәр белән аралашу күнекмәләрен формалаштыруга, проект культурасына, команда эшенә, креатив фикерләүне үстерүгә, шулай ук яшь буынның фәнни потенциалын үстерүгә юнәлдерелгән өстәл белем бирү уенына ул 42 893 сум акча ала. Дана Галиуллина (Казан) «Вдохновляй» номинациясендә «Алиса в стране чудес» спектакль-фикерләүгә 100 мең сум акча отты. Артур Гәрәев (Баулы) «Дворовая лига» проектына «Будь_здоров» номинациясендә 81 760 сум акча отты. Проект авторы сүзләренчә, проект кышкы спортның бер төре, мәсәлән, кар өстендә туп белән хоккей проблемасын хәл итәчәк. Ишегалды хоккее форматындагы спорт уеннары варианты, кыйммәтле экипировка булмау сәбәпле, уңайлылык ягыннан файдалы, бу ярышларда теләгән һәр яшүсмергә катнашырга мөмкинлек бирәчәк. Ангелина Докшина (Лениногорск) «Хәтер» номинациясендә үз проектына 99 958 сум акча отты. Адмирал 2.0 хәрби-патриотик уены кысаларында интеллектуаль һәм хәрби-спорт уеннары үткәрү планлаштырыла. Шулай ук яшьләр шигъри фестиваль, чит ил студентлары өчен спартакиада, яшьләрне патриотик тәрбияләүгә, волонтерлык эшчәнлегенә, гаилә кыйммәтләрен ныгытуга юнәлдерелгән чаралар үткәрүгә грантлар оттылар.
«Татарстан яшьләре республика һәм федераль дәрәҗәдә булдырылган мөмкинлекләрдән актив файдалана. Яшәү урынына карамастан, тигез мөмкинлекләр булдыру мөһим һәм ел саен грант конкурсларында республиканың эре шәһәрләре яшьләре генә түгел, ә район яшьләре дә үз идеяләрен актив рәвештә белдерә. Шул ук вакытта без аларны тагын да активрак булырга, инициатива күрсәтергә һәм үз – үзләрен тормышка ашыру өчен мөмкинлекләрнең максималь санын алырга чакырабыз», - дип билгеләп үтте ТР Яшьләр эшләре министры Ринат Садыйков.
Шунысын да билгеләп үтәргә кирәк, конкурс барышында һәр проект 18 номинациянең берсендә 10 критерий һәм 10 баллы шкала буенча 265 эксперт тарафыннан бәяләнгән. Критерийлар исәбенә түбәндәгеләр керде: проектның актуальлеге һәм социаль әһәмияте, проектның тормышка ашырылуы һәм аның нәтиҗәлелеге, проект командасының тәҗрибәсе һәм компетенцияләре, көтелгән нәтиҗәләргә ирешү өчен проектны гамәлгә ашыруга планлаштырылган чыгымнар, проектның үз өлеше һәм өстәмә ресурслары, проект бюджетының реалистиклыгы, проектны гамәлгә ашыру масштабы, проектның мәгълүмати ачыклыгы, тәкъдим ителгән проблеманы чишүнең уникальлеге һәм адреслылыгы, үсеш перспективасы һәм проектның потенциалы.
Иң күп гаризалар түбәндәге номинацияләрдә: #вдохновляй (63 инициатива), #делись_пытом (40 инициатива), #создавай_ности (38 инициатива), #будь_здоров (31 инициатива), шулай ук: #помни (25 инициатива), #стирай_границы (25 инициатива) һәм #расскажи_о_оглавном (25 инициатива).