«Добрый» лагеренда ирекле берләшмәләр лидерлары һәм активистлары сменасы узачак

2023 елның 28-30 сентябрендә «Добрый» балалар сәламәтләндерү лагерында «Мы в деле» мәктәп волонтерлыгын  үстерү буенча Республика проектының яңа сезонын башлап җибәрүгә багышланган Татарстан Республикасы гомуми белем бирү учреждениеләре базасында эш алып баручы ирекле берләшмәләр лидерлары һәм активистлары сменасы узачак.

Оештыручылар булып Татарстан Республикасы Яшьләр эшләре министрлыгы ярдәме белән «Татарстан Республикасы Иреклеләр мәгълүмати-ресурс үзәге» АНО белән берлектә «Татарстан Республикасы алдынгылар хәрәкәте» гомумроссия иҗтимагый-дәүләт хәрәкәтенең төбәк бүлеге тора.

Катнашучылар 10 яшьтән 17 яшькә кадәрге активистлар була ала. Мәктәп укучылары формаль булмаган белем бирү тренерлары белән белем бирү сессияләре, экспертлар белән очрашулар аша ирекле хәрәкәтнең барлыкка килү һәм үсеш тарихы, «Волонтерлык һәм иреклелек» юнәлеше, «Алдынгылар хәрәкәте» төбәк бүлеге, аның мөмкинлекләре белән таныша алачаклар.

Программа нәтиҗәләре буенча катнашучылар тарафыннан волонтерлык юнәлешендәге проектларны тормышка ашыруга әзерләнүнең бердәм планы эшләнәчәк.

«Безнең эшнең мөһим юнәлешләренең берсе-мәктәп волонтерлыгын үстерү. Балалар кечкенәдән үк волонтер булырга омтыла, безнең төп бурыч-аларга бу омтылышта ярдәм итү һәм дөрес үсеш векторы бирү. «Алдынгылар хәрәкәте» төбәк бүлеге белән берлектә катнашучыны «дөрес» атмосферага чумдырачакбыз, волонтерларның эшенең барлык нечкәлекләрен сөйләячәкбез, аннары алар үзләре үзләренең ирекле проектларын булдыра һәм гамәлгә ашыра алачаклар», - дип уртаклашты «ИРЦД ТР» АНО Башкарма директоры Айрат Мөбарәкшин.

Волонтерлык эшчәнлеге «Мәгариф» милли проектының «Социаль активлык» төбәк проектын гамәлгә ашыру кысаларында алып барыла