Мастер-класслар, уку җыеннары, Россия геройлары белән очрашулар: Татарстан яшьләре патриотиклыкны ничек тәрбияли
«Яшьләрдә гражданлык һәм патриотизм хисе формалаштыру безнең министрлык эшенең өстенлекле юнәлешләренең берсе. Ведомствоның барлык проектлары һәм программалары яшьләрнең гражданлык активлыгын арттыруга юнәлдерелгән, алар планнар төзи, үз – үзләрен үстерә, өйрәнә, гаилә кора һәм үзен төрле өлкәләрдә нәкъ менә монда - республикада күрсәтә ала», - дип билгеләп үтте ТР Яшьләр эшләре министры Ринат Садыйков.
Министр ассызыклаганча, Татарстан Дәүләт Советы тарафыннан беренче укылышта кабул ителгән гражданнарны патриотик тәрбияләү турындагы закон бу юнәлештә эшне көчәйтергә мөмкинлек бирәчәк.
«Бүген яшьләр өчен гражданлык җаваплылыгын күрсәтүнең тагын бер нәтиҗәле механизмы-волонтерлык эшчәнлеге һәм ел саен волонтерлар сафына керергә теләүчеләр саны арта бара. Агымдагы елның сентябрь ахырына республикада 108 424 волонтер исәпләнә. 6000нән артык волонтер «Ярдәм янәшә!Помощь рядом» хәрәкәте тирәсендә берләште. Алар Донбасс өчен 1 040 тоннадан артык гуманитар йөк җыярга ярдәм итәләр, бөтен республика буенча 85 склад эшен оештыралар. Ә мондый мисаллар дистәдән артык. Бу яшь буынның җитлеккәнлеге һәм файдалы булырга теләве турында сөйли», - дип сөйләде ведомство башлыгы.
Ринат Садыйков билгеләп үткәнчә, ТР Рәисе Рөстәм Миңнеханов ярдәме белән төбәктә гражданлык һәм хәрби-патриотик тәрбияне гамәлгә ашыруга ярдәм итүче киң инфраструктура челтәре эшли – бу яшьләр үзәкләре, яшьләр (яшүсмерләр) клублары, шулай ук хәрби-патриотик клублар, Форпост һәм «Авангард» үзәкләре, аларның эше бер елда 500 меңгә кадәр кешене колачлый. Искәртеп узабыз, «Авангард» үзәкләре Россиянең барлык төбәкләрендә РФ Президенты Владимир Путин кушуы буенча төзелә.
Шул ук вакытта проектларга грант ярдәме дә башкарыла. Мәсәлән, 2023 елда яшьләр сәясәте муниципаль учреждениеләре арасында грантлар конкурсы кысаларында 16 районнан һәм шәһәрдән 17 394 870 сумлык патриотик юнәлештәге 18 проект хупланды. Мәсәлән, «Своих не бросаем» проекты кысаларында (Чүпрәле районы) мәктәпләрдә үз солдатларын искә алу почмаклары ачылды.
Министрлык тарафыннан инде традицион булган республика чаралары гамәлгә ашырыла: ел саен үткәрелә торган 4 этаплы «Зарница – 2023» уены, «Победа» хәрби-спорт уены, сайлап алу этабында Татарстан Республикасының 45 районыннан 12 000нән артык егет һәм кыз катнаша.
Татарстан Республикасы Югары Ослан районының Соколка тавында «Әлбәдән» тарихи реконструкция фестивале һәм «Җиңелмәс һәм легендар тууы» хәрби-тарихи фестивале кебек вакыйгалар яшьләрдә зур кызыксыну уята.
Лагерьларда Бердәм гамәлләр көннәре, Россия тарихы буенча мастер-класслар һәм лекцияләр, СВО катнашучылары һәм Россия геройлары белән очрашулар уза. Патриотик тәрбия өчен хәрби-патриотик юнәлештәге профильле сменалар аеруча әһәмиятле.
Киләчәктә закон ведомствоара эшне сизелерлек көчәйтәчәк һәм яшьләр белән эшләүнең яңа формаларын аларны иҗади эшчәнлеккә җәлеп итү аша кертергә ярдәм итәр дип өметләнәбез, бу аларга үзләрен җәмгыятьнең мөһим һәм файдалы әгъзасы, үз иленең кирәкле гражданы итеп хис итәргә ярдәм итәчәк», - дип йомгаклады министр.