Гаилә психологиясе: Әлмәттә «Көз 2023» психологик практикалар фестивале уза
Әкият терапиясе - практик психология методикасында мөһим корал. Әлмәттә «Нур» яшьләргә психологик ярдәм үзәгендә, Татарстан Республикасы Яшьләр эшләре министрлыгы гранты белән үткәрелә торган «Көз 2023» проекты гаилә психологиясен популярлаштыруга юнәлдерелгән. Фестиваль кысаларында барлыгы 8 очрашу үткәрү планлаштырыла. Очрашуларның бер темасы әкият терапиясенә багышланган, анда әкияти тәрбия, белем бирү, тәртипне төзәтү, психологик һәм психотерапевтик ярдәм һәм башкалар өлкәсендәге мәсьәләләрне хәл итү өчен кулланыла.
Искәртеп узабыз, бу мәсьәләгә ил җитәкчелеге тарафыннан да аерым игътибар бирелә. Россия Президенты Владимир Путин компетентлы ведомстволарга гражданнарга психологик ярдәм күрсәтү эшен яхшыртырга кушты. Президент психологик ярдәм күрсәтүгә, шул исәптән балаларга һәм яшьләргә аерым игътибар бирергә чакырды. Шулай ук бу эшнең системалы булырга тиешлеген һәм тиешле методологик базаны эшләргә кирәклеген ассызыклады.
Фестиваль кысаларында практик психологлар тәҗрибәләре белән уртаклаштылар һәм балаларны тәрбияләү буенча сорауларга җавап бирделәр.
«Проектта катнашу өчен республиканың төрле районнарыннан һәм шәһәрләреннән 160ка якын гариза бирелде.Анда мәгариф, яшьләр сәясәте өлкәсендәге яшь белгечләр, шулай ук яшь ата-аналар катнашты. Бу безнең үзәк өчен яңа эш форматы. «Нур» психологик ярдәм үзәге узган ел ТР Рәисе Рөстәм Миңнеханов ярдәме белән яшьләргә психологик ярдәм үзәкләрен капиталь ремонтлау республика программасы кысаларында ачылды һәм Татарстанның көньяк-көнчыгышындагы барлык психологлар өчен уникаль базага әверелде. Алга таба да эшнең иң яхшы психологик методикаларын гамәлгә кертәчәкбез һәм башка районнардагы хезмәттәшләребезне практик очрашуларга чакырачакбыз», – дип сөйләде Әлмәт районы балалар һәм яшьләр эшләре идарәсе башлыгы Илнур Фәсхетдинов.