Татарстан югары уку йортларында «Рубин» ФК фан-клублары оештырылачак
«Рубин» ФК һәм «Татарстан Студентлар лигасы» хезмәттәшлек турында килешүгә кул куйдылар. Килешүнең максаты - тамашачылар аудиториясен киңәйтү, студентлар арасында клуб брендын алга сөрү өчен клуб һәм студентлар берләшмәсенең үзара файдалы хезмәттәшлеген булдыру.
«Рубин» ФК белән хезмәттәшлекне тирәнәйтүгә югары уку йортларында фан-клублар булдыру амбассадорлар өчен мотивация системасын төзү зур этәргеч булачак. Фан-клублар үсешендә республикада фанатлар хәрәкәтен камилләштерү буенча зур потенциал күрәбез. Нәтиҗәле хезмәттәшлеккә өметләнәбез», - дип билгеләп үтте «ТР Студентлар лигасы» РМОО президенты Шамил Якупов.
«Студентлар лигасы» 2023 елның августында ук «Рубин» белән клуб матчларына стюардлар җәлеп итү буенча актив хезмәттәшлек итә. Студентлар Лигасыннан 10 матчка һәр уенга уртача 100дән 250гә кадәр стюард җәлеп ителгән.
«Лига белән килешү имзалауны без клуб эшендә өстенлекле юнәлеш дип саныйбыз, чөнки хәтта кече командаларда да безнең студентлар бар. Бу хезмәттәшлек мөмкин кадәр файдалы булыр дип өметләнәбез», — дип хәбәр итте «Рубин» ФК генераль директоры Александр Айбатов.