«Киләчәк гаиләсе. Киләчәк сәламәтлеге» Яшьләртурында конференциядә татарстанлыларга дөрес туклану һәм менталь иминлек турында сөйләделәр
Казан шәһәренең «МЕГА» сәүдә үзәгендә ел саен үтә торган «Киләчәк гаиләсе. Киләчәк сәламәтлеге» Яшьләртурында конференция үтте. Анда экспертлар татарстанлыларга дөрес туклану, физик һәм менталь иминлек турында сөйләделәр.
«Быел Конференция Россия Президенты Гаилә елы дип игълан иткән 2024 ел алдыннан үтә. Без яшь гаиләләр алдында торган актуаль проблемаларны тикшерүгә юнәлтелгән чаралар циклын башлап җибәрдек. Чаралар ачык мәйданчыкларда үтте, шуңа күрә спикер-белгечләрнең лекцияләрен һәр теләгән кеше тыңлый алды. Дөрес туклану, шәхси үсеш, стрессларны җиңү, гаиләдә сәламәт мөнәсәбәтләр һ.б. темаларга кагылышлы лекцияләр укылды», – дип сөйләде Яшьләр эшләре министры Ринат Садыйков.
Әйтик, бизнес-тренер һәм executive коуч Гүзәл Газиз (Әхмәтвәлиева) шәхси үсеш стратегиясе ярдәмендә психик иминлеккә ничек ирешеп була икәне турында сөйләде. Ул үзенең стратегиясен формалаштыру өчен бүген башлау өчен биш киңәш бирде. Алар арасында үз-үзеңне аңлау, үз-үзеңне идентификацияләү, мотивация эзләү, озак вакытлы планлаштыру һәм тормышның төрле өлкәләре арасында баланс компетенциясе өстендә эшләү.
Клиник психолог, медицина коучы һәм нутрициолог Юлия Аксенова стрессны ничек җиңәргә дигән проблемага тукталды. Ул йокы режимы, физик активлыкның зур әһәмиятенә басым ясады.
Яшь кешеләргә үз сәламәтлекләрен саклау темасына врач-инфекционист, терапевт, медицина фәннәре кандидаты Екатерина Степанова сөйләде. Ул иң киң таралган һәм куркыныч инфекцияләрдән төп саклану чараларын үтәргә кирәклеген искәртте.
Врач-педиатр, пульмонолог, медицина фәннәре кандидаты Юлия Малиновская гаиләдә дөрес туклану турында лекция белән чыгыш ясады. Ул сәламә туклануны формалаштыру буенча биш адымны билгеләде: көнгә 3-4 сәгать аралык белән 4-5 тапкыр тукланырга; тәүлеккә 400 граммнан да ким булмаган күләмдә яшелчә, җиләк-җимеш ашарга, көнгә 1.5-2 литр су эчәргә, зурлар өчен аксымнар, углеводлар һәм яшелчәләрне 1:1:2 пропорциясендә, ә 1 яшьтән 4 яшькә кадәрле балаларга балалар өчен «5532» кагыйдәсе буенча бүләргә.
Казан шәһәре буенча ТР сәламәтлек саклау министрлыгы сәламәтлек саклау идарәсе баш штаттан тыш акушер-гинекологы, Казан дәүләт университетының акушерлык һәм гинекология кафедрасы доценты медицина фәннәре кандидаты Лариса Фаткуллина «Кирәкле сөйләшү. Мөһим тема турында – саклык белән» темасына чыгыш ясады.
Ул яшьләрнең репродуктив сәламәтлек торышы җитди медицина-социаль проблема булуын билгеләп үтте. Спикер яшь буынның сәламәтлеккә йогынты ясый торган 13 төп продуктны мисал итеп китерде: шәхси гигиена кагыйдәләрен үтәмәү, травматизм, көч куллану, психик сәламәтлеге, депрессия авырулары һәм инвалидлыкның төп сәбәбе булып тора, психоактив матдәләр куллану, ВИЧ –инфекция, ВПЧ инфекция, иртә йөклелек, контрацепция, аборт, витаминнар җитмәү һәм микроэлементлар, симерү, пассив яшәү рәвеше дә сәламәтлеккә зур зыян китерүен билгеләп үтте.
ТР сәламәтлек саклау министрлыгының репродуктив сәламәтлек буенча штатан тыш белгече ТР атказанган табибы Фирая Сабирова конференциядә катнашучыларга яңа өйләнешүчеләр өчен сертификат бирелү турында сөйләде. Ул булачак йөклелеккә әзерләнүгә, бала таба алмау, репродуктив сәламәтлекне саклауга зыян китерүче факторларны ачыклауга һәм төзәтүгә юнәлдерелгән югары квалификацияле белгечләргә беренчел тикшерү һәм консультация үткәрү дәүләт гарантияләре программасы кысаларында мөмкинлек бирүе турында билгеләп үтте. .
«Куркыныч түгел» Хәйрия фонды җитәкчесе, клиник психолог Светлана Изамбаева «Кайгылы тарих яки сызланулы тарих булу мөмкин булып, уңыш тарихына әйләнгән Уңыш тарихы» темасына чыгыш ясады. . Светлана Изамбаева — Россиядә үзенең ВИЧ-статусы турында белдергән беренче хатын-кыз.
Шулай ук спикерлар булып, «Гаиләдә сәламәт мөнәсәбәтләр – сәламәт бала» темасына психотерапевт, медицина фәннәре кандидаты Ренат Миназов, «Бала мотивациясе: ата-аналарга гади киңәшләр» темасына психолог, балалар китаплары авторы Шамил Әхмәдуллин чыгыш ясады. «Касперский лабораториясе» темасы буенча эксперт Никита Лободин 2023 ел интернетының төп мәгълүмати куркынычлары һәм алар белән көрәшү юллары турында сөйләде; клиник психолог, журналист LIFE4ME+ БФ Татьяна Посеряева «Кешеләргә бәхетле булырга нәрсә комачаулый?» темасына лекция укыды. «Үпкәләр сәламәтлеге: тәмәке тартуның зыяны» темасы буенча врач-пульмонолог, «Кайгыртучан ата-аналарның өстәл китабы» авторы Татьяна Неешпапа чыгыш ясады.
Конференция мәйданчыгында ВИЧ-инфекцияле яшүсмерләргә багышланган «Балалар сере түгел» фотокүргәзмәсе оештырылды. Шулай ук мобиль лаборатория эшләде. Теләге булган һәркем ВИЧ-тестны бушлай һәм аноним рәвештә үтә алды, нәтиҗәләр урында ук әйтелде.
Конференция яшьләрнең үз-үзләрен гамәлгә ашыру өчен шартлар тудыруга юнәлтелгән. Ул РФ Президенты Владимир Путин кушуы буенча оештырылган «Демография» милли проектлары максатларына туры килә.
Конференцияне оештыручылар: ТР Яшьләр эшләре министрлыгы Республика яшьләр үзәкләре, «Навигатор» инновацион һәм профилактик программалары, «Нестрашно» Хәйрия фонды һәм «МЕГА» сәүдә үзәге.