Казанда «Безнең заман герое» премиясенә яңа регионнарда яшәүчеләргә һәм махсус сугышчан операциядә катнашучыларга ярдәм итүчеләрне котлыйлар.

13 декабрьдә Казан шәһәренең Рәмиев исемендәге  IT-паркында  «Безнеж заман герое» һәм   «Яшь геройлар форумы»  премиясе нәтиҗәләрен ясыйлар. Котлау  «Безнең Татарстан» республика яшьләр форумы кысаларында үтә. Ул 10нан артык яшьләр проектларын бер мәйданчыкта берләштерә.

Премиянең төп темасы - Россия Геройларын, Россия Федерациясенең яңа территорияләрендә яшәүчеләргә ярдәм күрсәтүче Татарстан волонтерларын һәм махсус хәрби операциядә җиңүгә өлеш кертүче Татарстан халкын яктырту.

Быелгы лауреатларның берсе - Яр Чаллы егете Валерий Тигр. Ул Махсус хәрби операцияләр башлангач, үзенең бөтен мөлкәтен сатып, мобилизацияләнгән татарстанлыларга һәм аларның гаиләләренә ярдәм итә башлый.  Ул үзе дә үз теләге белән сугыш хәрәкәтләрендә катнашу өчен китәргә тели, ләкин аны ковид белән авырып, үпкәләре 92% зарарланган булганга кертмиләр.

Шулай ук Мамадышта яшәүче  Юрис Шакуровны да котлаячаклар.  Ул 10 көн эчендә мунчалар ясый һәм махсус хәрби операция зонасына җибәрә. Мунча 900 кг, шуңа күрә аны җиңел автомобильдә дә алып барып була. Мунчада берьюлы 5 кеше юына ала.

 «Хәзерге заман герое» номинациясендә  Виктор Стрижко да тәбрикләнәчәк. Ул Казанка елгасында балык тоткан чагында  «Ак Барс Арена» стадионы янында, ярдан 7-8 метр ераклыкта кешенең боз астына киткәнен күрә.

«Тирә-якта кешеләр бар иде. Күпердән кемдер телефонга төшереп тора. Беркем дә ярдәмгә ашыкмый. Үзем дә аңламый калдым, шул минутта бозлы суга сикердем», – дип искә ала  герой.  Шулай итеп, Виктор бозлы судан хатын-кызны тартып чыгара.

Лауреатлар арасында Бөгелмәдән полиция хезмәткәре Рөстәм Сафин да бар. Ул, үз гомерен куркыныч астына куеп, әбине ут эченнән алып чыга.

Быелгы яшь геройлар арасында  - Яшел Үзән шәһәреннән 15 яшьлек Егор Белов бар. Ул 13 мең акча җыя һәм аны безнең сугышчыларыбызга ярдәм итү өчен бирә.

Казан шәһәреннән җиденче класс укучысы Степан да котланылачак. Ул поезд вагонына бәйләнгән көчекләрне коткара.

Болардан тыш, 17 яшьлек Данил Әхмәтгалиевның әти-әнисе Илнур һәм Людмила  тәбрикләнәчәк. Данил, үз гомере бәрабәренә,  ТР Кукмара районында елгада батучы кызны коткара.

Быел котлаулар 4 номинациядә үтә:

- «Яшь Герой» – төрле батырлык үрнәкләре күрсәткән  17 яшькә кадәрле балалар өчен.

- «Безнең заман герое» – төрле батырлык үрнәкләре күрсәткән  18 яшькә кадәрле кешеләр өчен.

Ике яңа номинация:  

- «Татарстан волонтерлары» – РФ яңа территорияләрендә яшәүчеләргә ярдәм күрсәтүче волонтерлар өчен;

 - «Гуманитар ярдәм» – ДНР, ЛНР, Запорожье һәм Херсон өлкәләренә, шулай ук безнең сугыш хәрәкәтләренә катнашучыларга ярдәм итүче оешмалар, ТР муниципаль районнары, хөкүмәт органнары яки югары уку йортлары  өчен;

Яшь геройлар өчен премия башланганчы берничә сәгать алдан узачак программа каралачак. Быел программа квест үтүне үз эченә алачак. Ул Россия һәм Татарстан Республикасы тарихын өйрәнүгә багышланган, шулай ук һөнәри күнекмәләр алуга, беренче медицина ярдәме күрсәтүгә һәм командада эшләү осталыгына ярдәм итүче станцияләрдән тора. Яшь геройлар махсус хәрби операция герое белән очрашачак, ул алар белән патриотик әңгәмә үткәрәчәк.

Премияне һәм форумны оештыручылар  - Татарстан Республикасы Яшьләр эшләре министрлыгы ярдәме белән «Бердәм Россиянең Яшь Гвардиясе» россиякүләм иҗтимагый оешмасының Татарстан төбәк бүлеге, «Бердәм Россия» бөтенроссия сәяси партиясе Татарстан төбәк бүлеге, «Бердәм Россиянең Яшь Гвардиясе».