Министрлыкның Иҗтимагый советы 2024 елга иҗтимагый максатлар һәм бурычларның йомгаклау исемлеген раслады
Татарстан Республикасы Яшьләр эшләре министрлыгында ТР Яшьләр эшләре министры Ринат Садыйков, Иҗтимагый совет рәисе Александр Карпов, шулай ук Эксперт советы әгъзалары һәм чакырылган кунаклар катнашында Иҗтимагый советның киңәйтелгән утырышы узды.
Киңәшмә барышында 2024 елга өстенлекле максатлар өчен халык тавыш бирүенә йомгак ясалды. Әйтик, ТР Дәүләт хезмәтләре сайтында ачык тавыш бирү башланды. Теләге булган һәркем, аның фикеренчә, Яшьләр министрлыгы беренче чиратта хәл итәргә тиеш булган теге яки бу максат һәм мәсьәлә өчен тавыш бирә алган.
Исегезгә төшерәбез, ведомствоның өстенлекле бурычлары буенча ачык тавыш бирүдә 6 483 кеше катнашты. Респондентлар арасында иң популяр максатлардан совет әгъзалары 7 юнәлеш сайлаган. Әйтик, «Яшьләрнең хезмәт тәрбиясенә булышлык итү», «Эшләүче яшьләрнең талантларын ачу», «Балаларның җәйге ялы һәм сәламәтләндерү инфраструктурасын үстерү», «Яшь гаиләләргә ярдәм итү», «Яшь гаиләләрне торак белән тәэмин итү», «Балигъ булмаганнарның мәшгульлегенә булышлык итү» һәм «Яшьләрнең рухи-әхлакый кыйммәтләрен ныгыту» сайланды.