Бөтен Татарстаннан килгән балалар һәм яшүсмерләр «Россия балалар Кыш бабае» федераль акциясендә катнашалар
Республиканың барлык районнарында балалар Яңа ел төнендә эшләүчеләр өчен бәйрәм оештыралар. Алар шигырьләр һәм җырлар башкаралар, үз куллары белән ясалган бүләкләр тапшыралар.
Әйтик, Кукмарадан беренчеләрдән булып МЧС хезмәткәрләрен, Яңа Чишмәдә – табибларны һәм шәфкать туташларын, Яр Чаллыда – «КАМАЗ» заводы хезмәткәрләрен Яңа ел белән котладылар. Өлкәннәр балалар өчен эш урыннары буенча экскурсияләр үткәрделәр, үз һөнәрләре турында кызыклы хикәяләр һәм фактлар сөйләделәр һәм эш көннәренең ничек узуын күрсәттеләр. Арча районы яшүсмерләре «Могҗизалар урманы» интерактив паркында булдылар һәм татар Кыш Бабай һәм Кар Кызы резиденцияләренә кунакка бардылар. Ә Казан укучылары «Казан» гаилә үзәге янында төп чыршы урнаштыру өстендә эшләгән шәһәр төзекләндерү хезмәткәрләрен котладылар.
Алдынгылар хәрәкәтенең «Россия балалар Кыш Бабае» акциясе ярдәмендә яңа ел бәйрәмнәрендә эшләүче, хезмәттә яки дежурлыкта булган кешеләр яңа ел кәефен тоя алачак. Иске Яңа елга кадәр безнең яшь Кыш бабайларыбыз һәм Кар кызлары илнең барлык төбәкләрендә янгын сүндерүчеләрне, табибларны, коткаручыларны, коммуналь хезмәтләр хезмәткәрләрен, курьерларны һәм хәрбиләрне котлаячаклар. Бу чыннан да искиткеч фикер, аны балалар үзләре тәкъдим итте һәм тормышка ашыра», – дип билгеләп үтте беренче хәрәкәт идарәсе рәисе Григорий Гуров.
Үзләренең котлауларын, шулай ук әзерлек процессын яшь Кыш бабайлар һәм Кар кызлары фото һәм видеода саклыйлар һәм социаль челтәрләрдә #Россия-Детскийдедмороз рәсми хештегы белән бастыралар.