Казанда GLOBAL FEST чит ил мәдәниятләре студентлар фестивале узачак
Казанның «Московский» мәдәният үзәгендә 26 гыйнвар көнне GLOBAL FEST чит ил мәдәниятләре студентлар фестивале узачак, анда үз иҗатын Татарстан башкаласында укучы чит ил студентлары тәкъдим итәчәк. Бу хакта «ТР Студентлар лигасы» президенты Шамил Якупов хәбәр итте.
Яшьләрнең үз-үзләрен күрсәтә алу өчен шартлар тудыру Россия Президенты Владимир Путин кушуы буенча оештырылган «Мәгариф» милли проектының максатларына туры килә.
«Фестивальнең максаты-илләр арасында үзара аңлашу, толерантлык һәм мәдәни аермаларга хөрмәт атмосферасы булдыру. Чара шулай ук төрле илләрне тәкъдим итүче студентлар коллективлары катнашындагы шоу-программаны үз эченә ала. Фестиваль кунаклары чит ил мәдәниятләре атмосферасын тоярга мөмкинлек бирә торган биюләр, музыка, җырлар, театр спектакльләре һәм мастер-класслар белән ләззәтләнә алачак», – дип сөйләде ул.
Фестивальдә катнашу өчен сылтама буенча алдан теркәлү узарга кирәк.