Татарстан Яшьләр министрлыгы «Яшь юлдаш- Молодой попутчик» яшьләр проектын башлап җибәрә
Татарстан Яшьләр министрлыгы «Яшь юлдаш – Молодой попутчик» яшьләр проектын башлап җибәрә. Проект кысаларында конкурс нигезендә Татарстанның студентлар, авыл, эшләүче һәм иҗат яшьләре арасыннан 500 кеше сайлап алыначак.
16 февральдә республиканың төрле шәһәрләреннән һәм районнарыннан яшьләр Россия Президенты Владимир Путин кушуы буенча оештырылган «Россия» күргәзмә-форумына барачак. Күргәзмә 2023 елның ноябрендә ВДНХда старт алды һәм илебезнең барлык тармаклардагы мөһим казанышлары турында сөйли.
«Делегация Мәскәүгә махсус төзелгән поезд составында барачак. Сәфәр яшь гражданнарны төрле проектларда катнашырга дәртләндерү һәм мотивацияләү булачак, анда һәркем үзен күрсәтә алачак һәм җәмгыятькә һәм дәүләткә файдалы була алачак. Сәяхәт проектта катнашучыларны уртак максат – Россия казанышларын күрү белән илһамландыручы дуслык атмосферасы белән тулыландырыр дип ышанам», - дип билгеләп үтте ТР Яшьләр эшләре министры Ринат Садыйков.
Делегация составына активистлар һәм җәмәгатьчелек фикере лидерлары гына түгел, «Татарстанның яшь геройлары» проектында катнашучылар, яшьләр хәрәкәтләре, оешма вәкилләре, волонтерлар, блогерлар һәм башкалар да керәчәк.
Гариза бирү кампаниясе 9 февральдән 14 февральгә кадәр дәвам итәчәк, нәтиҗәләр 15 февральдә игълан ителәчәк. Гаризаларны сылтама буенча бирергә мөмкин.
Катнашучылар өчен юлда төрле активлыклар оештырылачак, ә күргәзмәдә алар Россия казанышлары галереясында, яшьләр йортында, #Страну_меняют_люди / Регионы России, «Первые в России — Стране возможностей», «Мир цифры», «Сделано нами», «Нейросети Яндекса» и «Путешествуй с РЖД» күргәзмәләрендә катнаша алачак.