Татарстанның биш истәлекле урыны «От южных морей до полярного края» конкурсында катнаша
«От южных морей до полярного края» истәлекле урыннар конкурсы старт алды, тавыш бирү нәтиҗәләре буенча 30 локация «Сәяхәттән күбрәк» программасының туристик маршрутларына кертеләчәк. Бу исемлеккә Татарстанда биш объект кертелергә дәгъва итә: УРАМ экстрим-паркы, Иннополис, Болгардагы Ак мәчет, Зөя утрау-шәһәре һәм Бәшир Рәмиев исемендәге IT-парк.
Конкурста илнең 89 төбәгеннән барлыгы 445 истәлекле урын катнаша. Шулай ук теләгән һәркем үз «көч урынын» тәкъдим итә ала, ул местагордости.рф сайтындагы истәлекле урыннар галереясының бер өлеше булачак.
«Безнең зур илдә бөтен дөньяга танылган йөзләгән истәлекле урыннар бар, шул исәптән 32 ЮНЕСКО Бөтендөнья мирасы объекты. Ә аз билгеле, әмма әһәмиятле объектлар саны 14 меңнән артып китә. Аларның һәрберсе илебезнең тарихын, кыйммәтләрен, казанышларын һәм мөмкинлекләрен чагылдырган символы. Үз тавышыбызны биреп, без йөрәккә кадерле урыннар тирәсендә берләшәчәкбез, Россия халкы арасында аерым бәйләнеш тоячакбыз һәм картада бүген яшьләр арасында популяр булган, ә хәзер алар турында бөтен ил беләчәк яңа якты нокталарны төгәл табачакбыз», – дип билгеләп үтте яшьләр эшләре буенча Федераль агентлык җитәкчесе Ксения Разуваева.
Беренче этап 15 мартка кадәр узачак, аның барышында илнең 445 объектыннан һәр төбәктәге төп истәлекле урын билгеләнә. Тавыш бирүнең икенче этабы 19 нчы көнне башлана һәм 31 нче мартка кадәр дәвам итәчәк. Финалда кулланучыларга узган этапта иң күп тавыш җыйган 89 урын арасыннан истәлекле урыннарны сайларга туры киләчәк.
Теләге булган һәркем үз тавышын местагордости.рф сайтында калдыра ала.