Татарстан яшьләре «Хәтер аллеясы» акциясе кысаларында алма агачлары утыртты
Бүген Казанда «Хәтер аллеясы» акциясе узды. Төрле яшьләр оешмаларыннан 25тән артык активист Җиңү Паркындагы акциягә кушылды. Активистлар арасында «Форпост» республика үзәге, «Курс» патриотик хәрәкәте, «Ватан» берләшмәсе, эзләү отрядлары, ТР Студентлар лигасы, «Воин» үзәге, «Инсайт Люди» блогерлар берләшмәсе катнашучылары бар иде.
«Бу Ватанны саклаганда һәлак булган геройларыбызга алма аллеясы рәвешендә тере һәйкәл. Алма агачы, агач кебек, очраклы сайланмаган. 1945 елның маенда Кызыл Армия гаскәрләре Берлинга кергәч, алма агачлары чәчәк ата. Шул вакыттан бирле алма ботагы Совет халкының Бөек Ватан сугышында Җиңү символына әверелде», – дип билгеләп үтте ТР Яшьләр эшләре министры урынбасары Айгөл Сабирова.
«Форпост» үзәге директоры, ТР Россия хәрби-тарихи җәмгыяте башкарма директоры Тимур Камалетдинов акциянең 12 ел дәвамында үткәрелүен сөйләде. Катнашучылар саны елдан-ел арта.
Акциягә сугыш хәрәкәтләре ветераны Дмитрий Иванов та кушыла.